Нема ништо поубаво од домашно тесто
Состојки:
- 300 г брашно
- 10 г сув квасец
- 1 лажичка шеќер
- 1 лажичка сол
- 180 мл газирана минерална вода
- 3 лажици масло
Приготвување:
Загрејте ја газираната минерална вода (да биде млака), додајте шеќер, сув квасец и измешајте. Во подлабок сад просејте брашно, додајте сол и измешајте.
Потоа, додајте растворен квасец, масло и замесете тесто. Истанчете го тестото со намрсени раце (не го развлекувајте со сукало, туку со намрсени раце). Премачкајте помала тепсија со масло, сипете брашно и ставете го тестото. Покријте го со чиста кујнска крпа и оставете го да отстои 15 минути. Со виљушка направете шари (избодете го тестото).
Загрејте ја рерната на 250 степени, па намалете ја на 180 и печете ја погачата 15 минути.
Извадете ја готовата погача од рерна, напрскајте ја со вода, покријте ја со чиста кујнска крпа и оставете ја да се олади (десетина минути).