Вкусен освежителен десерт со лимон, идеален за летниот период!

Состојки:

– 2 јајца

– 150 гр омекнат путер

– 200 гр шеќер

– 1 ванилин шеќер

– 125 гр брашно

– 100 гр густина

– сол

– 1 лажичка прашок за пециво

– 2 лимона

– 100 гр јогурт (густ)

Подготовка:

Одделете ги жолчките од белките. Просејте го брашното со густинот и прашокот за пециво.

Измијте ги лимоните (по можност органски), изрендајте ја кората и исцедете го сокот. Ако не сакате да користите кора од лимон, додадете само сок.

Белките изматете ги во цврст снег со додавање прстофат сол.

Во сад за матење ставете го омекнатиот путер, шеќерот, ванилиниот шеќер и измешајте ги во мазна пенеста смеса. Додадете жолчки од јајце.

Кога жолчките ќе се соединат со смесата со путер и шеќер, додадете ги јогуртот, сокот од лимон и брашното. Мешајте додека не се формира мазна густа смеса.

На крај лесно измешајте ги белките.

Добиеното тесто истурете го во претходно подмачкан калап (по желба на дното на калапот ставете хартија за печење, а потоа намачкајте ги само страните на калапот).

Тестото се пече во загреана рерна на 180 степени околу 50 минути.

Готовиот колач извадете го од рерна и оставете го неколку минути да се излади во калапот, а потоа извадете го колачот и префрлете го на решетката целосно да се излади.

Изладениот колач посипете го со шеќер во прав.