Вкусен, лесен и сладок, колачот со вишни ќе преизвика насмевка на лицата на вашите најмили. Добар апетит!
Состојки:
За кората:
- 4 јајца
- 4 лажици шеќер
- 2 лажици брашно
- 2 лажици густин
- 3 лажици масло
- 150 мл млеко
За филот од вишни:
- 600 г вишни
- 100 г шеќер
- 3 лажици густин
- 10 г желатин
За филот од ванила:
- 700 мл млеко
- 2 пудинга од ванила
- 10 лажици шеќер
- 100 г бело чоколадо
- 200 г путер
За декорација:
- 350 мл слатка павлака
Приготвување:
Поврзани објави
За приготвување на кората белките се одвојуваат од жолчките и се матат во цврст снег, со постепено додавање шеќер.
Се додаваат една по една жолчките и се долева масло во тенок млаз, постојано матејќи со миксер. На крајот се ставаат брашното и густинот.
Плехот за печење се обложува со хартија за печење и во неа се излева смесата за кората. Се пече во загреана рерна на 200°С, додека порумени. Печената кора се попрскува со млеко.
За приготвување на овошниот фил се соединуваат вишните со шеќерот и се проваруваат.
Густинот се разматува со малку вода и се додава во смесата од вишни. Се продолжува да се вари додека се згусне.
Желатинот се прелева со 4 лажици ладна вода, па се промешува и се остава да набабри. Се растопува и се додава во филот од вишни. Филот се прелева преку кората и се остава да се зацврсти.
За приготвување на филот од ванила во тенџере се додава 500 мл млеко, се става шеќер и се вари додека зоврие.
Посебно се мати остатокот од млекото со пудингот од ванила, па се додава во зовриеното млеко и се продолжува да се вари, со постојано мешање, додека се згусне.
Во топлиот фил се додава искршеното бело чоколадо и се меша додека се растопи. Во оладениот пудинг се додава путерот и се миксира.
Преки оладениот фил од вишни се нанесува филот од ванила и се измазнува.
Слатката павлака се мати во цврст шлаг и се премачкува преку филот.
Текст и фото: „Добра храна“