Зошто нашите најдобри идеи ни доаѓаат кога се тушираме?
Науката има логично објаснување за овој феномен!
Дали некогаш сте се обиделе да смислите нови идеи и решенија за одредена работа, но не сте можеле тоа да го направите, а подоцна кога ќе се опуштите со топол туш, доаѓате до најневеројатното решение? Иако тушот може да изгледа како чудно место за измислување нови идеи, науката вели дека има логично објаснување зад овој феномен.
Како што изгледа, кога извршуваме некои секојдневни навики за кои нашиот мозок не бара посебна концентрација и труд, тогаш се создаваат идеални услови за откривање на нови идеи, решенија и предлози.
Туширањето е еден од најидеалните услови, бидејќи нè става во релаксирачка средина, дозволувајќи му на нашиот мозок да се „одвои“ од проблемите и стресот во денот на кратко и да ни понуди, без многу труд, нови креативни идеи.
Поврзани објави
Во исто време, туширањето е момент во кој обично уживаме целосно сами. Така, без безбројните одвлекувања што ги вклучува нашиот секојдневен живот, нашиот мозок е „слободен“ да шета без ограничувања и без никаков напор. Така, се покажа дека слободниот проток на спонтани мисли при обична активност ја подобрува нашата креативност.
Друга интересна научна информација се однесува на дејството на допаминот во нашето тело. За време на туширањето поминуваме низ различни движења кои ги изведуваме механички, без да размислуваме за нив. Овие „активности“, според науката, го зголемуваат производството на допамин, невротрансмитер поврзан со задоволство и самонаградување. Допаминот прави да се чувствуваме добро, го подобрува нашето расположение и ни дава мотивација, што автоматски ја зголемува нашата креативност и способноста за решавање проблеми.
Конечно, потребен е поголем ментален напор во текот на денот за извршување на различни задачи и активности. Нашиот мозок е бомбардиран со информации и тоа го зголемува неговото когнитивно оптоварување, што ни го отежнува јасното размислување. Под туш, каде што се бара речиси нула напор и можеме да се опуштиме, ова когнитивно оптоварување се намалува и затоа нашиот мозок работи послободно и „попродуктивно“.
Коментарите се заклучени.