Се роди бебе со опашка од 6 см, која не престана да расте: Иненадување во породилиштето!

Девојче е родено со опашка покриена со кожа и коса долга 5,7 сантиметри. Нејзиното раѓање ги стаписа лекарите во рурална мексиканска болница, кои мајката ја породиле со царски рез без видливи здравствени проблеми или абнормалности на бебето – освен опашката која содржи мускули и нерви.

Бебето очигледно не било изложено на инфекции или зрачење, а двајцата родители биле здрави, според деталите од случајот објавени во „Journal of Pediatric Surgery“.

Опашката на бебето била долга 5,7 сантиметри и дијаметар од 3-5 милиметри. Косата и опашката покриени со кожа содржеле нерви и бебето плачело кога го прободувале со игла.

По рендген на нејзиниот долен дел од грбот, било откриено дека нема коски или други абнормалности во опашката. Ова значи дека опашката не е непотребен, бескорисен орган како слепото црево. Наместо тоа, ова е „вистинска опашка“.

Лекарите проверувале неколку можни здравствени проблеми, вклучувајќи го мозокот и ‘рбетот. Потоа, два месеци подоцна, тие се вратиле назад и повторно го прегледале бебето и неговата опашка, каде што откриле дека расте пропорционално на неговиот сопствен раст.

Имајќи го тоа на ум, лекарите решиле да ја отстранат опашката и да ја реконструираат областа со пластична операција.

На крајот, на бебето му било дозволено да се врати дома и оттогаш нема никакви проблеми или компликации.

Бебиња родени со опашки

Ова не е прв пат децата да се раѓаат со опашки.

Како што е наведено во списанието, присуството на вистински опашки кај луѓето е исклучително ретко, а најновиот преглед објавен во 2020 година забележа дека од 2017 година, имало само 195 случаи во француски, италијански, англиски, германски и јапонски извештаи.

Извор: jpost.com