Освежително уживање на кое младите и старите не можат да одолеат, најдобро е кога ќе го направите сами. Еве како да подготвите домашен сладолед.
Сладолед од јагоди
Потребно е:
400 мл слатка павлака
1/8 лажичка сол
2 јајца
150 гр шеќер
450 гр сецкани јагоди
половина лажица сок од лимон
Подготовка:
Соединете ја слатката павлака и солта во тенџере и оставете да зоврие, па тргнете ја од огнот.
Во посебен сад изматете ги јајцата со половина од шеќерот, а потоа додајте го врелиот крем – полека истурете го со непрекинато матење.
Вратете го тенџерето и варете на пониска температура, не дозволувајте да зоврие. Гответе со постојано мешање додека смесата малку не се згусне. Филот изладете го на собна температура и повремено мешајте. Оставете да се излади најмалку 2 часа.
Додека филот се лади, изблендирајте ги јагодите со преостанатиот шеќер и сокот од лимон во блендер додека не се изедначи. Процедете ја смесата и истурете ја во изладениот фил, па добро измешајте.
Истурете во саканиот калап и оставете да се замрзне во замрзнувач. Овој сладолед може да се чува една недела.
Коментарите се заклучени.