Таложењето на масни наслаги на стомакот им пречи на голем број жени, а токму тоа е местото на телото од кое маснотијата е најтешко да се отстрани.
Без оглед дали имате генетска предиспозиција за тоа, дали масните наслаги се резултат на породувањето или дали станува збор за продолжена физичка неактивност, добрата вест е дека стомакот може да се затегне со правилно вежбање. Јогата е една од физичките активности што ќе ви донесат силни и убаво обликувани стомачни мускули. Предноста на јога вежбите е што правилно изведувајќи ги, можете да го зајакнете не само предниот дел на абдоминалниот ѕид („плочки“), туку и подлабоките стомачни мускули, кои обезбедуваат стабилност при изведување на разни вежби. Ви донесуваме три позиции на јога кои ќе го зајакнат вашиот стомак.
Штица
Спуштете се на „сите четири“ и истегнете ги нозете така што целото тело да ви биде рамно како штица. Потпрете се цврсто на вашите дланки и создадете дополнителен простор помеѓу лопатките. Активирајте ги мускулите на нозете и турнете ги потпетиците назад. Вовлечете го долниот дел на стомакот и повлечете го нагоре. Останете во позиција на штица најмалку 10 вдишувања и издишувања. Повторувајте ја вежбата секој ден и постепено зголемувајте го бројот на вдишувања и издишувања. Ако сакате дополнително да ги зајакнете стомачните мускули, можете да го повлечете десното колено кон десното рамо, да го држите неколку секунди и да го повторите со левото колено и рамото.
Штица со раце
Од позиција на штица, спуштете се на подлактиците и активирајте ги стомачните мускули. Продолжете го целото тело со туркање на стапалата наназад и скалпот напред без да го виткате вратот нагоре, додека цврсто ги притискате рацете во подот. И во оваа позиција ќе бидете најмалку 10 вдишувања и издишувања.
Поврзани објави
Навасана (позиција на чамец)
Седнете исправено со свиткани нозе во колената, а стапалата на подот. Кренете ги стапалата до таванот и фатете ги колената и замавнете полека додека не најдете рамнотежа. Спуштете го торзото кон задниот дел така што ќе формира 45 степени во однос на подот или подлогата. Ослободете ги рацете од колената и држете ги во воздухот – паралелно со подлогата. Не виткајте го долниот дел на грбот, отворете ги градите, активирајте го долниот дел на стомакот и спуштете ги рамената. Останете во оваа позиција најмалку пет вдишувања и повторете ја вежбата неколку пати.
Прочитајте и: Откриена е тајната на најефикасниот тренинг со висок интензитет
ФОТО: Unsplash