Трик што ги издолжува нозете, а обувките доаѓаат до израз: Оваа сезона носиме фармерки само на овој начин!

Широки, тесни, со висок струк, винтиџ или модерни? Сите дилеми околу омиленото парче гардероба слободно тргнете ги на страна – важно е само да ги подвиткате! И тоа не само малку – без 7-8 сантиметри не ни тргнувајте во акција!

Генијално е тоа што оваа сезона подвиткувањето на ногавиците не влијае врз изборот на должина. Можете да ги подвиткате (неколку пати) фармерките кои ви се тесни околу глуждовите и со тоа да ги откриете омилениот пар чизми.

https://www.instagram.com/p/CE3pIPzpq7W/?utm_source=ig_embed

Од друга страна, рамните и ѕвонестите модели можат и подвиткани да останат на својата максимална должина, само што сега ќе можете да одите без да се сопнувате – во овој случај задолжително искомбинирајте ги со високи потпетици.

https://www.instagram.com/p/CEj8MwBjba8/?utm_source=ig_embed

Концептот дека подвитканите ногавици ги скратуваат нозете исто така паѓа во вода доколку фармерките имаат иста нијанса од двете страни (контрастните можеби најдобро е да им ги оставите на газелите) – само фрлете поглед на некоја од следниве инста-девојки. Овој трик за стилизирање ќе направи секоја ваша комбинација да изгледа опуштено, без да се оптоварувате со премногу детали.

https://www.instagram.com/p/B9Gqz57AGw6/?utm_source=ig_embed

Важно е да одберете модел кој има доволно долги ногавици за да може да се изведе ова, а дизајнерите и уличните брендови ја предвидоа оваа наша потреба, па продавниците се полни и со модели на кои ногавиците веќе им се подвиткани.

https://www.instagram.com/p/BuKGDezgfzJ/?utm_source=ig_embed

Не заборавајте дека високо подвитканите ногавици нема да се држат сами од себе, па најверојатно ќе морате или така да ги купите или да ги фиксирате самите.

Како ќе ги носите вашите?

https://www.instagram.com/p/BpWVkUigsc0/?utm_source=ig_embed

https://www.instagram.com/p/BuChLGYA_As/?utm_source=ig_embed

https://www.instagram.com/p/CCQyRmFhhsW/?utm_source=ig_embed

https://www.instagram.com/p/B4HZy3-H2_F/?utm_source=ig_embed

https://www.instagram.com/p/CEzR4HLHneU/?utm_source=ig_embed

Овие панталони ќе бидат апсолутен хит оваа есен и зима: Топло, удобно и елегантно!