Водич на бизарен култ ги присилувал жените на интимни односи: Ги терал да прават болни операции, па бил осуден на 8.658 години затвор!

Аднан Октар (66) од Турција, попознат е како водич на култ кој ги присилувал сексуалните робинки на естетски операции, и тоа без анестезија. Меѓутоа, Аднан минатата година бил осуден на 8.658 години затвор.

Бил осуден за сексуално злоупотребување малолетнички, за разни измами, како и за обиди за политички и воени шпионажи. Сепак, донесената пресуда набрзо била поништена, додека на повторното судење конечно добил затворска казна повисока од првобитната.

https://twitter.com/restitutorII/status/1592883809644867584?ref_src=twsrc%5Etfw%7Ctwcamp%5Etweetembed%7Ctwterm%5E1592883809644867584%7Ctwgr%5Ea174e5307a357ad26b34759e614069805ed18ea2%7Ctwcon%5Es1_&ref_url=https%3A%2F%2Fstil.kurir.rs%2Flifestyle%2Fzanimljivosti%2F190375%2Fvodja-kulta-prisiljavao-zene-na-intimne-odnose-pa-osudjen-na-8-658-godina

Инаку, Аднан се прославил со ток-шоуто што го водел на својот ТВ-канал А9. Концептот се сведувал на мешање исламски верски дебати со апокалиптични талкања и атрактивни модели кои носеле егзотична шминка, перики и фустани во стилот на робинки. Култот, чиј предводник бил Аднан, броел 160 членови, меѓу кои имало и жени кои биле познати како „мачиња“.

Седа Исилдар е една од жените што биле во негово ропство, а која побегнала од добро чуваниот имот на Октар во Канада.

Таа во една пригода рекла дека била намамена во култот и била принудена на операција на носот, без никаков анестетик за болки.

„Беше ужасно. Ужасно. Уште се сеќавам на чеканот. Броев колку пати удираа со чекан и длето во мојот нос“, рекла таа.

Исилдар исто така навела дека сè уште одела на училиште кога ја запознале со Октар и дека била принудена да се омажи со него. Таа не е единствената жена која изнела вакво сведочење, додека уште една жена на неговото судење рекла дека Октар имал сексуално нападнато и други жени.

Таа истакнала дека биле принудувани да земаат контрацепциски пилули, додека полицијата во неговиот дом затекнала 69.000 контрацепциски пилули, за кои рекол дека биле користени за лекување кожни нарушувања и менструални проблеми.

Угур Сахин тврдел дека бил тинејџер кога првпат слушнал за Октар и набрзо се открило дека тој бил еден од неговите „лавови“ што ги регрутирале жените во култот. Објаснил дека неговата работа тогаш била да ги заведе жените и полека да им ја одзема независноста додека не бидат изманипулирани во сексуални робови.

Бизарниот култ ѝ го уништил бракот: Кога бившата сопруга на Ерос Рамацоти ќе облече костим за капење, сите занемуваат!