Мустафа Сандал се изботоксирал за да изгледа помладо покрај младата сопруга: Бившиот на Емина стана предмет на потсмев

Поранешниот сопруг на Емина Јаховиќ, Мустафа Сандал (52) минатиот викенд се ожени со својата 19 години помлада девојка Мелис Сутсуруп (33). По венчавката во Турската амбасада во Рим на почетокот на јуни, парот одржа гала-венчавка во Мармарис за 80 луѓе, која траеше два дена.

Брачниот пар на гостите им обезбедил превоз и сместување, а секоја вечер имаа заеднички активности со гостите. Дека сè поминало совршено покажуваат нивните фотографии на Инстаграм, а изгледа дека младенците навистина уживале во својот посебен ден.

Парот на свадбата пристигна во розов автомобил за голф-терени. Мелиса за овој важен ден избра елегантна бела венчаница, додека Мустафа се одлучи за сив костум. Свадбата се одржа во прекрасната градина на хотелот Мармарис, кој беше специјално уреден за таа пригода.

Покрај украсните светилки, свеќи, цвеќиња, на плажата беа поставени и две фигури во форма на М, што е почетната буква од нивните имиња.

Иако невестата блескаше и собираше комплименти за изгледот и венчаницата, Мустафа го украде шоуто. Како што пишуваат турските медиуми, пејачот непосредно пред венчавката направила естетска корекција.

Отокот на лицето на Мустафа Сандал ја одбележа венчавката. Тој го привлече вниманието со промената, а сите зборуваат дека бил на естетска операција или ботокс. Многумина мислат дека Мустафа непосредно пред свадбата отишол да си ги избрише брчките, за приближно да може да 1 парира на својата 19 години помлада сопруга. Но не успеал, бидејќи бил отечен – пишуваат турските медиуми.

Инаку, детаљот кој ги изненади сите е дека на свадбата присуствуваше само Јавуз, додека Јаман не, а невестата беше придружувана од својот син кој го доби со бившиот партнер.

Фото: Printscreen Instagram