Оваа храна треба почесто да ја јадеме во зима: Дали е на вашето мени?

Слаткиот компир е повеќе од обичен компир. Овој сладок зеленчук станува сè попопуларен во последниве години поради многубројните здравствени придобивки. Нутриционистот Нмами Агравал објасни што го прави слаткиот компир одлична зимска храна.

Агравал истакнува дека слатките компири содржат многу хранливи материи, вклучувајќи есенцијални витамини и минерали, со релативно малку калории. Тој вели дека слаткиот компир треба да го консумираме во зима од три причини.

Добар извор на влакна
Слаткиот компир e добар извор на влакна, кои се клучна компонента за варење, правилно движење на дебелото црево и губење на тежината. Според Агравал, „влакната ве држат сити подолго време, спречувајќи прејадување“. Тие можат да помогнат да се контролира желбата за храна, за да не јадеме без престан.

Понизок гликемиски индекс
Освен влакна, слатките компири имаат и понизок гликемиски индекс, што ги прави поздрава алтернатива за компирот.

„Гликемискиот индекс проценува колку брзо храната го зголемува нивото на шеќер во крвта. Храната со висок индекс може да доведе до нагло покачување и опаѓање на шеќерот во крвта, често предизвикувајќи глад и прејадување”, објаснува нутриционистот.

Богат е со хранливи материи
Слаткиот компир е суперхрана, бидејќи е богат со хранливи материи. Содржи влакна, витамини и минерали, а нема многу калории.

„Сето ова го прави слаткиот компир идеална храна за слабеење, бидејќи ви помага да ги задоволите вашите нутритивни потреби без да ги надминете потребите за калории“, рече Агравал.