Почнува сезоната на крофни, ова се најдобрите и проверени тајни марифети на свекрва ми за одличен десерт (рецепт)

Февруари е месец на љубовта, па во оваа прилика ви носиме рецепт за класични крофни во Валентајн издание.

Состојки:
40 гр свеж квасец
1 лажица шеќер, за квасецот
250 гр топло млеко
1 јајце
2 жолчки
4 лажици масло
1 лажица шеќер
2 лажици рум или ракија
500 грама обично брашно
10 г ванилин шеќер
прстофат сол
1 лажица кора од лимон
Млечно чоколадо, стопено
Темно чоколадо, стопено

Подготовка:
Загрејте го млекото и одвојте 150 мл во кои ќе го додадете искршениот квасец и една лажица шеќер. Оставете ја смесата на топло место околу 10 минути за да нарасне. Доколку смесата не нарасне, повторете ја постапката со нова коцка квасец.

Соединете ги состојките
Изматете ги јајцето, жолчките, шеќерот, румот или ракијата, четири лажици масло и ванилиниот шеќер. Треба да добиете пенеста смеса.

Замесете тесто
Тестото замесете го со рака или со миксер.Додадете брашно, смеса од квасец, смеса од јајца, кора од лимон и малку сол и во садот замесете го тестото. Постепено додавајте го остатокот од топлото млеко. Треба да добиете компактно, но малку лепливо тесто. Кога тестото ќе почне да се одвојува од садот, престанете да мешате и продолжете со месење со рака. Тестото префрлете го на набрашнета површина и измесете мазно тесто кое не треба да се лепи за раце.

Оставете го тестото да нарасне
Покријте го тестото со чиста крпа и оставете го на топло место еден час да нарасне. Откако ќе нарасне тестото, вратете го на набрашнета површина. Расукајте до дебелина од приближно 1,5 см.

Исечете
Исечете срца со калап за колачиња во форма и ставете ги на страна, на набрашнета површина. Оставете ги крофните околу 15 минути да нараснат уште малку.

Загрејте го маслото
Во длабоко тенџере додадете литар масло и загрејте го.

Намалете ја топлината
Намалете ја топлината и можете да почнете да ги ставате крофните во маслото. Прво треба да ги ставите оние крофни што пораснале малку повеќе од другите. Ставете ги така што на маслото прво ќе ја ставите горната страна, а не онаа што беше во брашното. Ставете 3 до 4 крофни истовремено.

Пржете
Покријте ги крофните и пржете ги 1 до 2 минути, а потоа превртете ги и пржете ги непокриени уште една минута.

Ставете на хартиени крпи
Обложете го садот за сервирање со хартиени крпи и ставете ги готовите крофни врз него за да се впие вишокот маснотии.

Растопете го чоколадото и декорирајте