Луѓето со чир на желудникот особено го слушаат нивното субјективно чувство, загрижено очекувајќи компликации на болеста. Како да се храните и да се однесувате за мирно да ги преживеете опасната сезона и променливото време? И што точно да правите во случај на компликации на чир на желудникот?
Дали Македонците живеат во заблуда, мислејќи дека со вотка и ракија ќе стерилизираат сè што е „внатре“ и ќе помогнат во лекувањето на чирот?
Имено, кај нас постои мит дека оние што страдаат од чир е корисно да пијат вотка на празен желудник, за да се „стерилизира и зарасне“ сè што е внатре. Всушност, таа само ја иритира слузокожата. Дури и 50 мл вотка (или ракија) го зголемуваат создавањето хлороводородна киселина и, соодветно, ја зголемуваат киселоста на желудочниот сок. Ова доведува до компликации на болеста – истенчување на слузокожата и внатрешно крвавење.
Во случај на чир, путерот и суровите јајца локално ја обложуваат слузокожата и ја штитат од иритирачкиот ефект на хлороводородната киселина. Но треба да запомните дека при консумирање сурови јајца, човекот ризикува да се зарази со салмонела. Друг недостиг е големата веројатност за алергии.
При лекување чир на желудник, прво треба да се ослободите од предизвикувачот: хеликобактерија, неконтролирано земање лекови, стрес, неправилна исхрана, пушење, алкохол и други штетни навики. Ова е, по правило, доволно за позитивен ефект. Покрај основната терапија, се применуваат средства што го намалуваат лачењето на хлороводородната киселина (инхибитори на протонска пумпа). Покрај тоа, во сложената терапија на болеста е оправдана употребата на билни препарати.
БИЛНА ТЕРАПИЈА
Мешавина (сите билки се суви и иситнети): два дела цветови од липа, по еден дел плодови од коморач и цветови од аптекарска камилица. Две лажици од мешавината прелејте со половина литар врела вода во термос, оставете да отстои еден час, па исцедете. Пијте по 200 мл од топлиот одвар пред јадење (наутро на гладно) од еднаш до трипати дневно.
За зараснување на чирот помага и одвар од бел смил (лат. Gnaphalium uliginosum): една лажица сува тревка прелејте со шолја врела вода, оставете ја на водена пареа 15 минути, а потоа исцедете ја. Кога ќе се олади, додајте едно лажиче мед. Земајте по половина чаша трипати дневно, еден час пред јадење. Третманот трае еден месец, потоа следува пауза од две недели, па лекувањето може да се повтори.
ОД ЛИЧНО ИСКУСТВО
Поврзани објави
Масло од прополис излечи чир
Имам проблем со желудникот уште од мала, кога работев две работи и уште везев и шиев дома. Спиев само по два-три часа на ден. Немаше ни збор за нормална исхрана: набрзина, на нога јадев сува храна. На 40-годишна возраст почна да ме боли желудник, отидов на лекар и направив анализа на желудочниот сок.
Во тоа време немаше ултразвучни уреди, лежев со сондата во носот два часа, што е многу непријатно. Утврдија дека имам гастритис. Пиев лекови неколку години. Подобрувањето траеше само кратко, а потоа сè се повтори.
На крајот тоа прерасна во гастритис со зголемена киселост. Не можев да ги јадам сите намирници, имаше ограничувања.
Живеев така до 1989 година, кога се преселив во Белорусија. За среќа, веднаш отидов кај одличен лекар (одам кај него и сега – повеќе од 30 години!). Ми направи ултразвук и откри чир на желудникот. Тој лекар ми откри ефикасно средство за борба против мојата болест – масло од прополис.
Рецепт за приготвување: 10 г иситнет и исчистен прополис помешајте со 100 г загреан на пареа несолен путер (најдобро домашен). Прополисот ќе се раствори во него. Мешавината држете ја на пареа од седум до десет минути, внимавајќи да не истече.
Уште додека е врела, исцедете ја низ слој газа, постојано мешајќи. Трипати дневно час – час и половина пред јадење земајте по едно лажиче со топло млеко. Третманот трае18–20 дена. Доколку е неопходно, по еден месец може да се повтори.
Овој едноставен препарат ми помогна да го победам чирот. Не заборавајте дека маслото од прополис е контраиндицирано за луѓето со болести на црниот дроб.
Пишува: Ана Муравцова
Коментарите се заклучени.