Овој витамин може да помогне во лекувањето на губењето на вкусот и мирисот од коронавирусот
Истражувачите спроведуваат неколку недели тестирање за да утврдат дали витаминот А помага во лекувањето на губење мирис и вкус.
Според британските истражувачи, капките за нос со витамин А можат да го третираат губењето или променетото чувство за мирис кај некои луѓе кои имале Ковид. Универзитетот во Источна Англија спроведува 12-неделно испитување во кое пациентите ќе добијат третман доколку сакаат, а потоа ќе се изврши скенирање на мозокот за да се види дали витаминот ги поправил повредените мирисни патишта.
Губењето или променетото чувство за мирис е вообичаен симптом на инфекција со вирусот Ковид-19, иако може да биде предизвикано од многу други вируси, како што е грипот. И додека кај повеќето луѓе природно се враќа во рок од неколку недели, на многумина им останува континуирано нарушување на мирисот, па сега мирисот на месо има мирис на бензин.
Водечкиот истражувач на овој тест, професорот Карл Филпот, рече: „Сакаме да откриеме дали има зголемување на големината и активноста на оштетените патишта за мирис во мозокот на пациентите кога се третираат со капки за нос со витамин А. „Ќе бараме промени и ќе видим каде се поврзуваат нивните мирисни нерви со мозокот. Исто така, ќе ги разгледаме активностите во областите на мозокот поврзани со препознавање мирис“.
Поврзани објави
Се разбира, оваа вест е позитивна, но не значи дека сега е неопходно да се зема витамин А без медицински надзор. Конзумирањето големи количини на витамин А може да предизвика поспаност, раздразливост, главоболка, гадење и повраќање во рок од неколку часа, понекогаш придружени со лупење на кожата. Притисокот во черепот се зголемува, особено кај децата и се јавува повраќање. Овој витамин се наоѓа природно во храната, во одредено месо, спанаќ, брокула и моркови, па затоа е подобро да не додавате додатоци без консултација.
Прочитајте и: Дали наскоро нè очекува пилула како превентивен лек против Ковид-19?
ФОТО: Pexels