Сардините не се препорачуваат за секого – кој не треба да ја јаде оваа риба
Колку е здрава толку може да биде и штетна...
Секој човек е различен…
Во повеќето земји во светот, сардините се сметаат за еден од најевтините и најздравите видови риби. Дури и конзервираните сардини, иако содржат малку повеќе масло и сол, се сметаат за добар избор на храна.
Еден факт ги издвојува сардините од другите видови риби. Ако избегнувате риба поради можна контаминација со жива, можете да јадете сардини без грижа. Овој вид риба се храни исклучиво со планктони во кои нема или има многу малку жива.
И коските се добри за здравјето
Конзервираните сардини се преполни со додатоци на вода, масло и сок од домати. Во оваа форма обично се отстрануваат главите на рибата, но се задржуваат кожата и ситните коски, кои имаат многу здравствени придобивки. Порција од четири сардини содржи 100 калории, 12 грама протеини, 5 грама масти и нула грама јаглени хидрати, влакна и шеќер. Оваа морска риба е богата со минерали и витамини како Б12, витамин Д, ниацин (витамин Б3), селен, фосфор, калциум, јод.
Поврзани објави
Сардини за подобро здравје на срцето
Омега-3 масните киселини, кои ги има во изобилство во сардината, го штитат нашиот кардиоваскуларен систем. Омега-3 масните киселини можат да го стабилизираат срцевиот ритам, да го намалат високото ниво на триглицериди во крвта, да обезбедат еластичност на артериите и да не заштитат од згрутчување на крвта. Омега-3 масните киселини се најзастапени во масните морски риби како што се лососот, скушата и сардините.
Сардините обезбедуваат витамин Д
Малите коски од сардина се одличен извор на калциум. Витаминот Д е неопходен за телото да го апсорбира калциумот. Сардините содржат повеќе витамин Д дури и од количината на калциумот. Тие исто така содржат фосфор, кој е многу важен фактор за здравјето на коските, бидејќи има способност да ги неутрализира киселините кои можат да ги оштетат коските.
Кој не се советува да јаде сардини?
И покрај многуте здравствени придобивки, сардините не се вид риба што се препорачува за сите луѓе. Пациентите кои страдаат од висок крвен притисок и камења во бубрезите треба да избегнуваат конзумирање. Особено конзервираните сардини содржат големи количини натриум, што не се препорачува за лица со висок крвен притисок.
Фото: shutterstock
Коментарите се заклучени.