Дури и ако не го следите менструалниот календар во моментот кога френетично ќе започнете да јадете чипсови, а потоа сладолед, а можеби и некоја кеса кисели гумени бомбони, знаете дека тие денови се во близина. Многу жени за време на ПМС имаат неконтролирана глад. Но, дали некогаш сте се запрашале зошто се случува ова?
Како и другите симптоми, како што се болка во градите и промени во расположението, тие се поврзани со биохемиски промени што се случуваат за време на менструалниот циклус.
Експерти од универзитетот „Џустус-Либиг“ од Гисен истражуваа зошто жените се особено склони кон глад за време на ПМС. Во текот на три месеци, тие следеа 35 здрави и млади жени кои не користеа хормонална заштита и дојдоа до интересни резултати што ги објавија на научниот портал ScienceDirect.
Жените доаѓаа во лабораторија повеќе пати во текот на циклусот – првично, за време на овулацијата и за време на ПМС. За време на тестирањето, на учесниците им беа прикажани фотографии од различна храна, со помалку и со повеќе калории, а мораше да ја оценат според посакуваниот вкус, односно која прво би ја јаделе.
За време на овој процес, експертите користеле ЕЕГ-уред за да следат што се случува во нивниот мозок, со цел да се поврзе вниманието и чувствителноста на индивидуалните прикажани предмети. Покрај тоа, беше измерена концентрацијата на хормонот прогестерон. Се разбира, покрај тоа, тие ги забележаа набудувањата на жената во текот на одредени денови во циклусот.
Поврзани објави
Истражувањата покажаа точно како жените за време на ПМС реагираат повеќе на оние намирници кои имаат повеќе калории отколку во кое било друго време во циклусот. Истото внимание во тој дел од циклусот не е предизвикано од нискокалорична храна.
Врз основа на добиените резултати, експертите посочија дека жените кои имаат понизок прогестерон пред менструацијата и посилна болка за време на неа, имаат поизразени напади на глад.
Истиот тим одлучи дополнително да испита дали искажаната потреба е нездрава или здрава за женското тело. Не би ни пречело ако истражувањето покажало дека нашата потреба за чипсови на одредено ниво го штити нашето тело.
Прочитајте и: Постојаните промени во расположението кај жените се вообичаени, еве што ги предизвикува
ФОТО: Unsplash