Предизвиците со кои се соочува имунолошкиот систем во текот на зимските месеци се навистина многубројни. За максимална заштита, задолжително зајакнете го имунитетот со одредени намирници.
Овес
Овесот содржи еден вид растителни влакна со антимикробни и антиоксидантни својства. Забележано е дека кај луѓето специфични состојки придонесуваат за подобрување на функцијата на имунолошкиот систем, го забрзуваат заздравувањето и го подобруваат ефектот на антибиотиците.
Јогурт
Јогуртот е богат со пробиотици, „добри“ бактерии кои придонесуваат за непречено функционирање на гастроинтестиналниот тракт, но и за стимулација на имунолошкиот систем. Според релевантните научни истражувања, секојдневното консумирање јогурт значително ја зајакнува одбраната на организмот.
Поврзани објави
Брокула и карфиол за силен имунитет
И брокулата и карфиолот се зимски зеленчуци, кои се богати со вредни состојки за организмот. Брокулата и карфиолот содржат антиоксиданси, соединенија кои го спречуваат оштетувањето на клетките, го намалуваат воспалението, штитат од хронични болести, па дури и го намалуваат ризикот од рак.
Цитрусни овошја и црвени пиперки
Познато е дека витаминот Ц, главната компонента на агрумите и црвените пиперки, го поддржува имунолошкиот систем. Потребниот дневен внес на витамин Ц за да се избегнат инфекции е околу 200 mg. Среден портокал содржи околу 70 mg витамин Ц, грејпфрут 90 mg и средна пиперка 150 mg.
Јаткасти плодови кои го штитат имунолошкиот систем
Јаткастите плодови се мало хранливо богатство. Но, особено кога зборуваме за зајакнување на имунолошкиот систем, тогаш бадемите и лешниците не треба да изостанат од секојдневната исхрана. И двете од овие јаткасти плодови се многу богати со витамин Е и цинк, а тука ќе најдете и мала количина на витамин Ц. Со други зборови, сите состојки неопходни за силен имунолошки систем. Единственото нешто на што треба да обрнете внимание овде е количината што ја консумирате. Добро е да ги јадете умерено, за да не се оптоварувате со непотребни калории.
Коментарите се заклучени.