7 причини зошто вашата кожа е толку сува и покрај хидратацијата

Но, сува кожа може да се појави кај двата типа на луѓе. Временски услови, топлина, студ, ова се сите услови во кои кожата може да стане сува и дехидрирана, и во време кога дури и путер за тело и слоеви на лосион не помагаат, време е да се преиспитаат причините зошто е тоа така.

Премногу топли тушеви 

Може да биде навистина пријатно да се засили топлината на водата до најсилна, но комбинацијата на гел за тело со топла вода полека ги отстранува бариерите на кожата кои постојат со причина. Со текот на времето, вашата кожа ќе стане поцрвена и повеќе иритирана, и на крајот сува, па затоа пред да се туширате, намалете ја температурата на водата и времето поминато под туш. Ако имате бања, додадете неколку капки масло во неа, и хидрирајте го телото веднаш по капењето.

Просторијата во која престојувате нема доволно влага

 Централното греење може да биде одлично, но не и за вашата кожа. Инвестирајте во овлажнител – така влагата ќе биде директно во воздухот, што ќе биде голема придобивка за вашата кожа.

Не консумирате доволно овошје

 Недостатокот на овошје и зеленчук може да биде клучен за вашата сува кожа. Консумацијата на овошје и зеленчук влијае на стареењето и состојбата на кожата, па на пр. витаминот Ц помага во производството на колаген кој е клучен за здравјето и еластичноста на нашата кожа.

Користите премногу тежок лосион за тело

Ако мислевте дека мрсниот лосион за тело ќе ги реши вашите проблеми, може само да ги маскира и да направите повеќе штета отколку добро. Компактните и мрсни лосиони за тело можат да ја ослабнат бариерата на кожата и нејзината самохидратација. Кожата станува зависна од лосионот и не е во состојба да се регулира, што е многу важна ставка. Подобро е да посегнете по полесниот навлажнувачки серум или лосион кој има лесна структура.

Не пиете доволно вода 

Многу очигледна причина. Ако имате проблеми и не се сеќавате да пиете доволно вода, поставете си потсетник за мобилниот телефон или часовник што ќе го имате со вас. На вашето тело му се потребни најмалку 2-3 литри вода на ден за да замени сè што веќе го дехидрирало вашето тело (кафе, алкохол, сокови и сл.). 

Вашата облека или постелнина не се чисти 

Колку редовно ги перете постелнината, крпите и марамите што ги носите? Овие парчиња можат да бидат почва за размножување на бактериите доколку не ги миете доволно често, затоа обрнете внимание на тоа. Носејќи предмети што се директно на вашата кожа, им дозволувате на бактериите пристап до вашата кожа, правејќи одредени области на вашата кожа почувствителна, иритирана или сува и може да предизвикаат акни.

Не користите заштитен фактор 

Правило што никогаш нема да престанеме да го повторуваме е – не прескокнувајте го заштитниот фактор без оглед на сезоната или временската прогноза. Сонцето работи и низ облаците, затоа не заборавајте да користите средство за заштита кое има UVA и UVB заштита за да бидете целосно безбедни.

Прочитајте и: Витаминот Ц е победничката состојка за убавина во 2020 година: Чудо за кожата!

 

ФОТО: Getty Images