Викторија Бекам ја откри тајната на припадничките на високото општество за блескав тен
Нега однатре
Освен што е секогаш беспрекорно облечена, Викторија Бекам (44) може да се пофали и со совршен тен. Покрај тоа што и’ се достапни скапата козметика и најдобрите козметичари, славната дизајнерка од својот дерматолог дознала како да постигне блескав тен благодарение на исхраната.
Имав проблематична кожа, а потоа во Лос Анџелес го запознав дерматологот д-р Херолд Ланкер, кој е навистина неверојатен. Ми кажа секој ден да јадам лосос. Зачудено го прашав: ‘Навистина, секој ден?’, а тој ми одговори: ‘Да, за појадок, ручек и за вечера!’“, открива сопругата на Дејвид Бекам и мајка на четири деца.
Многумина се прашуваат зошто оваа добро чувана тајна, која е резервирана само за дамите од високото општество, ја сподели со сите.
Постојат два типа жени – додека едните знаењето што го поседуваат го чуваат само за себе, другите несебично го делат. Јас имав среќа да соработувам со најдобрите стилисти, шминкери и експерти за убавина и научив многу нешта. Доста грешев, но од тоа извлеков поука и сакам токму тоа да го споделам со сите“, заклучува Викторија.