Обратниот исчекор е вежба која ќе ги активира мускулите на нозете и задникот, а ако ги активирате рацете и торзото, ќе добиете едноставна вежба која ќе го раздвижи целото тело.
Сè што ви треба за оваа вежба имате дома. Не мора да се грижите за опрема и нема да ви треба многу простор. Подгответе пешкир и следете ги упатствата.
- Застанете исправени, стапалата нека ви бидат во ширина на колковите, ‘рбетот исправен и карлицата малку повлечена.
- Земете крпа, раширете ја со двете раце, цврсто како да сакате да ја поделите на две. Држете ги тупаниците раширени во ширина на рамената.
- Вдишете. При издишување, повлечете ја десната нога назад.
- Левото колено мора да биде свиткано под агол од деведесет степени.
- Коленото на десната нога мора да биде малку над подот и мускулите да бидат затегнати. Карлицата нека биде повлечена.
- На крајот на издишувањето, свртете го горниот дел од торзото и рацете налево. Колковите и нозете не смеат да се поместуваат. Го движите горниот дел од телото со движење на рацете, брадата, која е подигната, го придвижува грбот налево.
- Кога повторно вдишувате, се враќате во првобитната позиција.
- Кога ќе повторите сè со другата нога, добивате едно повторување. Направете помеѓу 15 и 20 во серија од 3 до 4.
Прочитајте и: Како познатите мајки се ослободија од вишокот килограми после бременоста?