Бабурчиња полнети со зелка: Највкусната туршија што некогаш сте ја пробале!

Почнува сезоната на правење зимница, а ние ви предлагаме старински рецепт за бабурчиња полнети со зелка што ќе ве воодушеви! Се приготвува многу лесно, нема да ве чини многу, а ќе имате вкусен и здрав додаток за време на студените денови.

Состојки:

• 5 кг бабурчиња
• 2 главици зелка
• бибер во зрно
• лавров лист

За преливот:

• 3 л вода
• 1 л оцет
• 150 г сол
• 200 г шеќер

Приготвување:

Измијте ги пиперките и исчистете ги од семките. Потоа, исечкајте ја или изрендајте ја зелката, па посолете ја, измешајте и оставете малку да отстои.

Добро исцедете ја, полнете ги пиперките, а потоа редете ги во тегла. Помеѓу ставајте бибер и лавров лист.

Сипете вода, оцет, сол и шеќер во тенџере и направете сируп. Почекајте да зоврие и прелејте ги пиперките со него.

Шарена туршија: Највкусната салата полна со здравје и витамини!