Ручек за денес: Кремасто пилешко со морков кое се готви речиси само, а вкусот е феноменален!

Кога немате идеја што да приготвите, пилешкото месо секогаш е добро решение. Сигурно досега сте го приготвувале на разни начини, сте го похувале, сте го печеле на скара… Пробајте го и овој рецепт за бело месо во кремлив сос и нема да се покаете! Колку што има месо толку моркови се додаваат. Навистина е сочно и се топи во уста. Послужете го со пире од компир.

Состојки:

• 600 г пилешко филе
• 600 г моркови
• 1 кромид
• 2 чешниња лук
• околу 700 мл бујон
• 1 лавров лист
• магдонос
• 2-3 лажици маслиново масло
• 250 мл павлака за готвење

Приготвување:

Исечкајте го месото на ленти или коцки, па посолете го и забиберите го. Кратко пропржете го, па извадете го од тавче. Во истото тавче ставете сечкан кромид и лук, па кога ќе се пропржат малку, додајте морков исечкан на крукчиња. Сипете бујон и зачини. Гответе додека омекне морковот, па сипете ја павлаката за готвење. Промешајте и вратете го месото. Зачинете уште малку ако е потребно и гответе уште десетина минути.

Ручек за денес: Кускус со пилешко месо – вкусно традиционално јадење од Тунис!