Ручек за денес: Кускус со пилешко месо – вкусно традиционално јадење од Тунис!
Вкусно и здраво
Кускусот се состои од ситни гранули на дурум-пченица, кај нас може да се најде во речиси сите продавници за здрава храна
Јадењето што ви го предлагаме се приготвува лесно и брзо, а може да биде вистинско освежување на семејната трпеза.
Состојки:
- 200 г кускус
- 4 пилешки батаци со карабатак
- 1 главица кромид
- 2 чешниња лук
- 1 коцка за супа
- магдонос
- сол, бибер
Приготвување:
Растворете коцка за супа во 700 мл вода и прелејте го кускусот, потоа поклопете го за да се натопи.
Поврзани објави
Во тавче на малку масло пропржете го пилешкото месо додека зарумени, потоа извадете го месото и пропржете ситно сечкани кромид и лук.
Додајте го кускусот во динстаниот зеленчук, зачинете со бибер и добро измешајте со виљушка.
Префрлете го во сад за печење, прелејте го со 200 мл од супата во која бил потопен кускусот и наредете пилешко врз него.
Покријте со фолија и печете во рерна загреана на 180 степени уште 20-тина минути. По желба, послужете го јадењето посипано со свеж магдонос.
Добар апетит!