Корите од ореви и белки и двата кремови ја прават оваа торта прекрасна
Состојки:
За кората:
- 7 белки
- 150 г путер
- 1 кесичка ванилин шеќер
- 70 г брашно
- 150 г мелени ореви
- 150 г шеќер
За првиот фил
- 7 жолчки
- 150 г шеќер во прав
- 2 кесички ванилин шеќер
За вториот фил
- 150 г шеќер
- 4 лажици млеко
- 150 г мелени ореви
- 50 г путер
Приготвување:
Во еден сад изматете цврст снег од белки. Во друг сад, омекнатиот путер изматете го со шеќер, па постепено додавајте брашно, ореви и ванила. Кога ќе добиете хомогена смеса, додавајте ги белките лажица по лажица и полека мешајте. Печете во намрсен плех и наросен со брашно со големина 30х35 сантиметри, околу 20-25 минути, на околу 180 степени, проверете со чепкалка.
Во посебна чинија изматете ги жолчките со шеќерот во прав и ванилата и прелејте ги врз печената кора, потоа вратете ја во рерна да се сушат на ниска температура околу 20 минути на 100 степени. Прободете ја со чепкалка, важно е на неа да не остане жолт крем.
На тивок оган, стопете шеќер и путер со млеко и додајте ги мелените ореви. Смесата прелејте ја врз жолтиот фил и оставете ја да се олади, а потоа наросете ја со мелени ореви.