Пробајте ги овие кокосови штангли
Состојки:
За кората:
- 100 г путер
- 100 г чоколадо за готвење
- 120 г шеќер
- 2 јајца
- 30 г какао
- 70 г екстра бело брашно тип 400 на „Жито лукс“
За филот од кокос:
- 30 г путер
- 60 г шеќер во прав
- 200 г млеко во прав
- 120 мл превриена вода
- 1 лажица екстракт од ванила
- 150 г кокос
За глазурата:
- 100 мл слатка павлака
- 100 г чоколадо за готвење
Поврзани објави
Приготвување:
1. За приготвување на кората, во тенџерче се растопуваат путерот и чоколадото, па се додава шеќерот и се меша додека се растопи.
2. Потоа се додаваат јајцата и мешавината од екстра белото брашно тип 400 на „Жито лукс“ и какаото, па се мати со миксер.
3. Плех со димензии 20 х 30 см се обложува со хартија за печење и во него се става смесата за кората. Се израмнува и се пече во загреана рерна на 180°Ц, околу 15 минути.
4. За приготвување на филот, прво се приготвува кондензираното млеко. Во блендер се мешаат шеќерот и млекото во прав, па се додаваат растопениот путер, превриената вода и екстрактот од ванила. Се мати со миксер додека се добие воедначена смеса.
5. Во приготвеното кондензирано млеко се додава кокосот и се промешува.
6. Филот се излева преку кората и се израмнува. За приготвување на глазурата, слатката павлака се загрева, па се прелева преку чоколадото и се меша додека се растопи. Се остава да се олади, па се прелева преку филот.
Извор: Добра храна