„Девојчето пајак“ го воодушеви целиот свет: Мајката дознала за неверојатното хоби на ќерка ѝ на крајно необичен начин!

„Девојчето пајак“ несомнено ги освои срцата на корисниците на социјалните мрежи со своите акробации што ѝ пркосат на гравитацијата. Ова неверојатно 8-годишно девојче има необично хоби што ги воодушеви луѓето ширум светот. Имено, таа гледа телевизија додека седи на таван!

Мајка ѝ го открила ова благодарение на надзорните камери од дневната соба и кога го објавила ова несекојдневно видео на социјалните мрежи, тоа предизвикало лавина коментари. Видеото прикажува како ова мало девојче крајно лежерно се качува од софата во аголот помеѓу двата ѕида, а потоа си одмора на таванот.

Во поза, што навидум ѝ пркоси на гравитацијата, таа си ги вкрстува рацете и ужива во своите омилени ТВ-емисии од крајно необична перспектива. Најфасцинантниот дел во врска со ова е што членовите на нејзиното семејство продолжуваат ноншалантно да гледаат телевизија, не обрнувајќи внимание на нејзините акробации.

Ова покрена лавина различни коментари ширум светот, а некои изнеле и сопствени теории за нејзиниот подвиг. Еден од корисниците му ја припишал оваа способност на фактот што децата имаат помала тежина, а поплочените ѕидови овозможуваат подобро прилепување што го олеснува качувањето и држењето на таванот.

Погледнете како изгледа сето тоа во следново видео…