ОВА се најдобрите љубовни комбинации според астрологијата!

Не секој хороскопски знак е компатибилен со друг, некои може да бидат добри пријатели, но не и добри љубовни партнери.

Најдобрите љубовни парови, според хороскопот:

Водолија + Близнаци

Двата знака се ведри и имаат слободен дух. Се интересираат за културни настани и сакаат критично и аналитички да го гледаат општеството. Каде и да патуваат заедно, тие ќе си поминат незаборавно.

Проблем е само да се адаптираат на реалноста, кога ќе им помине фазата на меден месец, но со искреноста еден кон друг тие ќе се изборат со сè.

Лав + Стрелец

Двата знака имаат потреба за возбуда и забава во секојдневието. Екстроверти се, имаат многу пријатели и уживаат во врева и турканици.

Лесно се разбираат и постојано зрачат со позитивна енергија, па затоа се еден од најдобрите парови во Зодијакот. На првиот миг на здодевност во врската, двата знака веднаш преземаат некаков чекор.

Девица + Бик

Двата знака се приземјени и сакаат работите да ги прават полека и постепено и потребно е извесно време за нивната врска да процвета. Сепак, на долг рок се одлични во грижата еден за друг.

Си ги делат домашните обврски и се поддржуваат кога станува збор за напредок на поле кариера. Работат како тим и постигнуваат големи успеси. Практични се и реални во гледањето на работите и знаат дека за една врска да опстане потребна е работа.

Јарец + Бик

Двата знака можат да формираат хармонична врска, во која еден на друг нема да се плашат да си дадат време за секој од нив да ги постигне своите цели. Тие се привлекуваат на некој приземјен начин и сензуални се, иако се крути на моменти.

Имаат слични идеали, интереси и нивото на посветеност ги прави компатибилни. Сакаат луксуз и убави работи и понекогаш имаат потреба едноставно да останат дома.

Скорпија + Лав

Двата знака се различни, но исти во желбата да воспостават стабилно партнерство. Знаат како да ги измазнат различностите и да го тргнат егото на страна, кога станува збор за љубовта.

Тие се неверојатно амбициозни и се родени лидери, па затоа имаат специјална врска, која неверојатно функционира, иако површински гледано немаат ништо заедничко.

Бик + Рак

Двата знака воспоставуваат врска базирана на доверба, блискост и споделени вредности. Знаат како да си ги прифатат различностите и не се фокусираат на маните еден на друг.

Ја користат секоја можност да учат еден од друг и да преземат од добрите карактеристики на партнерот.

Рак + Риби

Kога ќе се спојат двата знака, тоа е неверојатно хармонична целина – две души кои совршено си одговараат една со друга. Партнерството го градат на инстантна привлечност, но потоа се поврзуваат на едно интимно и духовно ниво.

Се разбираат меѓусебе подобро, отколку со кој било друг и знаат дека тешкотиите во животот ќе ги минат најлесно заедно.

Терезија + Близнаци

На овие два знака како да им е судено да креираат неверојатна врска. Сакаат излегувања и сакаат да си поминуваат убаво, па имаат разбирање еден за друг во тој поглед. Омилена активност им е да патуваат и да креираат неверојатни спомени.

Имаат слободен дух, ги слушаат своите инстинкти и едноставно совршени се еден за друг.

Овен + Стрелец

Тие се еден од најатрактивните парови во Зодијакот. Двата знака се огнени и нивното партнерство како да е запишано во ѕвездите. Делат слична страст за животот и подготвени се да искусуваат нови работи.

Сакаат да читаат многу, да учат еден од друг и внимателни се кога станува збор за нивната врска.