Дознајте каква иднина ве чека: Еве како денот на раѓање ја одредува вашата судбина и карактер!

Со секој ден во неделата владее одредена планета, која влијае врз нашите животи. Денот на кој сте родени може да ги одреди судбината и карактер, а еве и како…

Понеделник – влијание на месечината

Со оглед на тоа што со овој ден владее месечината, луѓето родени во понеделник се успешни, чувствителни, по малку плашливи и имаат развиен мајчински или татковски инстинкт. Тежнеат кон мирен и стабилен живот, но судбината често им поставува препреки, па животот им е подинамичен одошто тие би сакале. Ги ценат семејните вредности и сонуваат за куќа полна со деца и за хармоничен однос со партнерот.

Имаат развиена имагинација, па кога имаат проблеми, бегаат во нивните соништа и романтика. Честите промени на расположението е нешто што ги следи целиот нивен живот. Имаат изразена интуиција.

Вторник – влијание на Марс

Луѓето родени во вторник се динамични, борбени, досетливи и силни. Во некои ситуации знаат да покажат и заби. Не го даваат тоа што е нивно и јасно знаат што сакаат од животот.

Самоуверени се и ако ги прашате нив, сè може да се постигне во животот, само ако доволно се потрудите. По ова правило се водат целиот живот. Никогаш не мируваат и живеат за предизвици и авантури.

Среда – влијание на Меркур

Меркур влијае луѓето родени во среда да бидат добри говорници и одлични работници во која било медиумска професија. Сакаат животот да им биде исполнет со возбуда и авантура, Мирниот живот ги заморува и не поднесуваат инерција.

Од друга страна, многу се нетрпеливи и имаат краток фитиљ. Имаат премногу желби, па често се незадоволни, бидејќи не можат да постигнат сè што замислиле. Семејството и партнерот можат да бидат незадоволни покрај нив, бидејќи овие луѓе многу често ги ставаат своите желби и потреби пред туѓите.

Четврток – влијание на Јупитер

За луѓето родени во четврток, животот е многу забавен. Тие на сите ситуации гледаат од поведрата страна, па секогаш се добро расположени. Сите проблеми ги решаваат темелно, на филозофски начин.

Тие се великодушни, одлучни, но и цврсто стојат на земја. Знаат што сакаат, но не се занесуваат и знаат колку можат да остварат. Влијаат позитивно и поучно врз својата околина, често освојуваат големи симпатии и стануваат многу популарни и омилени во друштвото.

Петок – влијание на Венера

Естетика, добар стил и префинет вкус – овие зборови најдобро би ги опишале луѓето родени во петок. Тие секогаш настојуваат да изгледаат убаво и привлечно, па најчесто важат за многу атрактивни луѓе. Речиси никој не може да остане имун на нивниот шарм.

Обожаваат патувања, различни забави и одмор. Основната лекција што треба да ја научат за животот е дека до важните цели се стигнува постапно, трпеливо и со вложување голема енергија. Маната им е тоа што лесно се откажуваат од зацртаните цели.

Сабота – влијание на Сатурн

Луѓето родени во сабота се рационални, практични, упорни и многу смирени. Многу се одлучни, а на околината делуваат авторитативно. Сакаат мирен начин на живот и уживаат кога во секој аспект од животот сè им е средено под конец. Инсистираат на тоа во животот сè да биде јасно дефинирано, одредено и организирано. Во животот најмногу ги погодуваат лагите и неправдите.

Недела – влијание на сонцето

Луѓето кои се родени на овој ден поседуваат огромен ентузијазам, изразена потреба за доминација и привлекуваат големо внимание кон себе и своите дела. Упорни се и настојуваат да остварат сè што ќе зацртаат.

Сакаат да се натпреваруваат, но и да победуваат. Тешко поднесуваат порази, па затоа постојано работат на себе и се обидуваат да бидат подобри со секој нов ден. Уживаат во комплиментите и восхитот на околината. Обично живеат и работат надвор од стандардните норми и им се спротивставуваат на авторитетите.

Хороскопскиот знак кој ќе има најмногу среќа и енергија за големи промени во 2021 година