Одличен рецепт за вкусен ручек
Состојки:
- 2 средни свински шницли
- 150 г месеста сланина во листови
- 1 голема главица кромид
- 3 чешниња лук
- 1/2 главица помал корен целер
- 2 средни моркова
- 2 лаврови листа
- 100 мл бело вино
- 1 лажиче сенф
- 1 лажица густин
- 400 г талјатели
- мешавина суви зачини
- црн пипер
- сол
- масло
Приготвување:
1. Свинските шницли се сечат на крукчиња со дебелина од 3 см. Секоја шницла се истенчува преку најлонско кесе со толчник за месо и се зачинува по вкус, се преклопуваат краевите кон средината и се залепуваат. Преклопената шницла се врти наопаку и се обликува медалјон, а потоа страните се прекриваат со сланина.
2. Се загрева малку масло во тава и се пржат медалјоните на сланина од двете страни, додека заруменат. Се тргаат од маснотијата и се оставаат на топло.
3. Кромидот се лупи и се сечка на коцки, лукот се цеди, а потоа сето тоа заедно се става во маснотијата од месото и кратко се пржи.
4. Морковите и целерот се лупат и се рендаат крупно, а потоа се додаваат во тенџерето со кромидот. Кратко се пржи и се продолжува со динстање на умерена температура, со постепено додавање вода, додека омекне зеленчукот.
5. Омекнатиот зеленчук се меша во блендер и се враќа во тенџерето. Се додава лавровиот лист, се става белото вино, се налева 300 мл вода во која претходно е помешана лажица густин и се зачинува по вкус, а потоа се динста додека зоврие. Се враќаат медалјоните и сето тоа кратко се динста.
6. Талјателите се варат во солена вода и се послужуваат како прилог со готовиот оброк.
Извор: Добра храна