Расипани до коска: Овие 5 работи ги издаваат злите луѓе – еве како да ги препознаете!

Една од причините поради кои не ги препознаваме расипаното срце и психопатското однесување е веројатно тоа што тешко ни е да поверуваме дека такви луѓе навистина постојат.

Меѓутоа, вистината е дека често сме опкружени со луѓе кои немаат добри намери. Не е ни толку тешко да се препознаат. Сите тие имаат нешто заедничко. Овие 5 начини на однесување ги издаваат…

1. Не се радуваат на туѓиот успех

Злите луѓе се чувствуваат добро само тогаш кога препознаваат тага кај другите луѓе. Доколку забележите дека некој од вашето опкружување има време за вас само тогаш кога ви е тешко, додека среќните мигови ги одбегнува, бидете сигурни дека се работи за личност која нема добри намери. Злите лица тешките моменти ќе ги направат уште полоши и постојано ќе ве потсетуваат на болната тема.

2. Сакаат да ги контролираат работите

Ваквите лица се чувствуваат крајно немоќно доколку им излезат работите од контрола. Кога ситуацијата не се одвива по нивен план, тие стануваат лути. Тие незабележително го наметнуваат своето мислење, обидувајќи се да создадат личност која ќе ги следи во сè и врз која ќе можат да влијаат. Толку се вешти во тоа што манипулираната личност не може ни да сфати дека станала марионета која само извршува наредби.

3. Се чувствувате чудно во нивно друштво

Секој од нас има свое енергетско поле, кое ни станува одбранбен систем. Ако интуицијата ви вели дека одредена личност од вашата околина е лоша за вас, верувајте ѝ. Расипаните луѓе само со својата појава оставаат некој чуден впечаток на околината. Едноставно, од нив зрачи негативна енергија. Дури и кога се однесуваат најљубезно, ќе знаете врз основа на вашето внатрешно чувство, дека не треба да ги задржувате во ваша близина.

4. Никогаш не ја кажуваат вистината

Лошата личност ќе ја препознаете кога ќе се заплетка во мрежата на сопствените лаги. Иако многу вешто лажат, во еден момент сигурно ќе го покажат своето вистинско лице. Ако личноста лаже други луѓе пред вас, бидете сигурни дека не е најискрена ни кон вас. Луѓето со расипано срце се експерти за прелажување на другите со својата слаткоречивост. Нивниот живот е илузија и душевно се хранат со страдањето на другите луѓе.

5. Луѓето со расипано срце често се преправаат дека се добродушни, а тоа изгледа вака:

Бараат топлина и прошка од личноста на која ѝ згрешиле без ни малку емпатија кон болката што ја предизвикале и без вистинска намера да се обидат да го поправат она што го направиле. Луѓето со расипано срце немаат совест и не знаат што е каење. Тие уживаат во својата злоба, скриени под маската на благороден карактер.

Како да ги препознаете знаците на емоционална злоупотреба во врска?