Како да се препознаат симптомите на длабоката венска тромбоза?
Органи што се најзагрозени се срцето, мозокот и белите дробови…
Во медицинска смисла, тромбозата подразбира доживотен процес на коагулација на крв, при што се формира згрутчување (тромб) во васкуларниот систем и крвните садови, односно во срцето.
Тромбот најчесто се формира во вените на нозете – потколениците, бутовите или вените на ципите.
Д-димерот е дијагностички метод со кој се докажува протеинот што е произведен од згрутчување на крвта, а неговите покачени или многу високи вредности се знак за потешки случаи на длабока венска тромбоза. Токму овој метод, заедно со другите процедури и прегледи, сега се користи и кај заболените од ковид-19.
Зголемените вредности на Д-димерите наедно се најопасната компликација кај пациенти со длабока венска тромбоза. А кога тромбот ќе се одвои од вената и ќе тргне, неговиот пат оди до белодробните вени и води до тромбоемболизам. Органите што се најзагрозени се срцето, мозокот и белите дробови.
Фактори на ризик за длабока венска тромбоза се возраста, долгото седење, повреда или операција, хормонални состојби, пушење, карцином, воспалителни болести, генетиката односно позитивна лична и семејна историја.
Поврзани објави
Како да се препознаат симптомите на длабоката венска тромбоза?
Оток на нозете, болка во нозете (грчеви во листовите), црвенило на кожата, чувство на топлина… Иако овие се знаци и на инфекција, не станува збор за инфективен агенс, туку за тромб што се формирал во вената/вените и предизвикува длабока венска тромбоза.
Дијагнозата се поставува врз основа на Д-димерите, колор доплер на крвните садови на нозете, т.е. ултразвук, скенерска пулмоангиографија и магнетна резонанца кога постои сомневање за венска тромбоза во абдоминалната област. Покрај овие високодијагностички методи, кај луѓето што имаат некакво заболување на коагулација (згрутчување) на крвта важно е да се одреди бројот на тромбоцитите.
Лекувањето вклучува хепарин, тромболитици, филтри за вена кава, компресивни чорапи.
Кога ќе ги препознаете овие симптоми кај себе, консултирајте се со васкуларен хирург и хематолог.
Фото: Getty Images