ОВА се здравствените придобивки од грееното вино: Го забавува процесот на стареењето!

Се ближи крајот на годината, деновите стануваат поладни, а пијалокот кој би можел да ве загрее е дефинитивно греено вино.

Ако сакате вино, добро е да знаете дека има и здравствени придобивки:

Го забавува стареењето
Студијата спроведена на Институтот за истражување Virginia Tech Carilion покажа дека грееното вино содржи ресвератрол, полифенолно соединение кое помага во забавување на процесот на стареење.

Придонесува за здравјето на срцето
Студијата објавена во списанието Molecules покажа дека виното, кога се консумира во умерени количини, може да биде добар извор на антиоксиданси кои можат да помогнат во намалувањето на кардиоваскуларниот стрес.

Зачините како цимет и ѓумбир одамна беа поврзани со подобрување на кардиоваскуларното здравје.

Ја подобрува меморијата
Ресвератролот во виното е корисен и за меморијата. Студијата спроведена во Медицинскиот центар на Универзитетот Џорџтаун покажа дека ова соединение може да заштити од Алцхајмерова болест.

Штити од настинки
Освен што празниците се време на радост, тие често доаѓаат и со настинка. Но, добрата вест е дека една чаша греено вино неделно може да го спречи течењето на носот.

Ова може да се припише на богатата содржина на антиоксиданси кои спречуваат инфекции. Бидете умерени, бидејќи прекумерното консумирање може да го ослаби имунолошкиот систем.

Поволно делува на коските
Според студијата објавена во American Journal of Epidemiology, жените кои пиеле една чаша вино неделно имале подобра густина на коските во споредба со оние кои не пиеле алкохол или кои пиеле прекумерни количини алкохол.