ИМАТЕ ПРОБЛЕМ? Причини за ждригање
Ждригањето без мирис што не се појавува повеќе од четири пати по јадење е нормална појава. Друга работа е ако некое лице притоа чувствува тежина во стомакот, надуеност, болка во стомакот и гадење – во тој случај треба да се консултира со лекар за помош, за тој да ја утврди дијагнозата и да го пропише лекувањето.
Намирниците што создаваат гасови (газирани пијалаци, мешунки, зелка, кромид, банани, суво грозје итн.) во голема мера предизвикуваат насобирање воздух во желудникот.
Болести: рефлуксен езофагитис, пареза на желудникот, гастритис, чир, слаба апсорпција на фруктоза, тумори во дигестивниот тракт.
Стрес и нервна напнатост. Кога се возбудени, луѓето побрзо ја џвакаат храната и притоа голтаат повеќе воздух, што доведува до ждригање.
ШТО ДА ПРАВИТЕ
– Јадете полека, внимателно џвакајте ја храната.
– Не зборувајте додека јадете.
– Седнувајте на маса само кога сте смирени.
– Избегнувајте газирани пијалаци и друга храна што предизвикува гасови.
– Пијте вода дури еден час по јадење.
Поврзани објави
– Обрнете внимание на исхраната – ждригањето може да се појави како индивидуална реакција на одредена храна.
НАРОДНИ ЛЕКОВИ (користете по избор)
* По оброкот изедете свеж морков или јаболко.
* Измешајте по 50 мл свеж сок од брусница и алое. Додајте едно лажиче мед, па половина чаша превриена вода на собна температура. Седум дена земајте по една лажица трипати на ден, пред јадење. По две недели, повторете го третманот. Контраиндикација: дијареја.
* Исцедете по 50 мл сок од компир и морков и измешајте. Испијте го половина час пред јадење. Земајте по трипати на ден, најмалку десет дена.
* Еднаш или двапати дневно на коцка шеќер капнете од четири до шест капки масло од каранфилче, па изедете го.
Совет
Не смеете да го задржувате икањето. Тоа може да доведе до чувство на „пукање“ во пределот на желудникот и болка во стомакот.
Советува: Оксана Болтова, диететичарка
Коментарите се заклучени.