Промоција на книгата „Незадоволна” од Ксенија Николова
Книгата ќе ја промовира Живко Грозданоски, извадоци од книгата ќе чита Зорица Панчиќ, музичка изведба Билјана Петровска-пијано
Културно-Информативен Центар – Скопје, има особена чест и задоволство да ве покани на промоција на книгата „Незадоволна”, во издание на издавачката куќа КУЛТУРА од Ксенија Николова, на ден 28.05.2021г., почеток во 19:00, во паркот пред КИЦ – Скопје.
Ксенија Николова е родена на 02.08.1988 година во Скопје. Пишувањето било нејзина љубов уште од малечка, а првиот издаден роман и се случува на 20 годишна возраст. Оттогаш – издадени се нејзини 6 дела кои ги носат следните наслови: „Ова не се Ромео и Јулија”, „Идиотски приказни “, „Макар уште еднаш “, „Емотивен манипулатор”, „Сите мажи ја сакаат Лиа” и „Незадоволна “
Во своите дела на фикција, таа пишува за животот, за борбата со себеси, за љубовта, за предизвиците, за пороците и секојдневните предрасуди, за човекот кој се труди да го најде своето место под Сонцето.
Нејзината љубов кон пишувањето е вечна, а таа продолжува да чекори по патот наречен уметност и да ја создава со најголема искреност.
Наскоро, се надева дека нејзините романи ќе бидат преведени и на други јазици, и ќе можат да бидат прочитани од што повеќе луѓе ширум светот.
Нејзиниот најнов роман раскажува приказна за потрагата по внатрешниот мир и чувството на исполнетност на една жена, и го соочува читателот со прашањето – што значи да се биде среќна жена?
Книгата ќе ја промовира Живко Грозданоски, извадоци од книгата ќе чита Зорица Панчиќ, музичка изведба Билјана Петровска-пијано.