Манекенката Андријана Илиоска растури на Арапската модна недела во Дубаи: Ги освои светските дизајнери со изгледот на Барбика!
Модни новости
Дефилираше за светски познати дизајнери и го освои модниот свет
Нашата манекенка Андријана Илиоска полека почна да го освојува модниот свет и надвор од нашите граници! Имено, таа учествуваше на Арапската модна недела во Дубаи, која траеше 9 дена, од кои првите два дена биле резервирани за кастинзи и фитинзи за престојните ревии.
Од вкупно 18 дизајнери на модниот викенд, Илиоска работела за 14, а била одбрана да дефилира и за познатиот бренд Moschino. Ревијата за Moschino се одржала првиот ден и со таа ревија се отворила модната недела.
Истиот ден имало настан Fashion Icon Awards каде што му била доделена награда на директорот на Moschino, Jeremy Scott.
View this post on Instagram
„Учевствував на ревии и на други познати дизајнери од Дубаи, Париз, Полска, Милано и САД, како што се познатиот дизајнер Michael Cinco кој што дизајнира за најголемите светски ѕвезди од типот на Малума, Ник Џонас, Џенифер Лопез, Бијонсе и многу други.
Исто така дефилирав за најновата колекција на брендот Amato кој дизајнира за Ники Минаж, Кејти Пери, Парис Хилтон, Шакира, Аријана Гранде, Џеси Џеј и други“, раскажува Андријана.
Погледнете како изгледала дел од атмосферата на Арапската модна недела низ призмата на Андријана Илиоска…