Совршен есенски фустан во режија на Оливија Палермо: Таа е најдобро облечената жена во Њујорк!
Како ви се допаѓа?
Најпознатата модна инфлуенсерка на светот, Оливија Палермо, прошетала во фустан чиј дизајн комбинира различни бои и дезени
Фустанот е едно од оние модни парчиња што ни овозможува за миг да бидеме дотерани и облечени од глава до пети. Затоа, не е ни чудно што токму фустаните се најчестиот моден избор за вљубеничките во модата. Но за добар стил, важно е да се одбере вистинскиот, а на познатата модна инфлуенсерка Оливија Палермо, тоа навистина ѝ оди од рака. Њујоршката модерна девојка со задоволство одбира фустани и за службени и за лежерни настани.
Со својот најнов стајлинг, Оливија сега повторно воодушевила, а на својот инстаграм-профил споделила неколку фотографии на кои сето внимание го привлекол прекрасниот фустан. Изработен е од свила во камен-беж тон, со макси крој и „паф“ ракави, а на фустанот одлично се искомбинирани црвени, црни, сини и златни детали со нежен ориентален призвук.
View this post on Instagram
Фустанот, кој е прошиен под бедрата, има навистина впечатлив крој со горен потесен и долен поширок дел, па изгледа многу елегантно, но и романтично.
Дизајнот на фустанот го потпишува колумбиската модна дизајнерка Silvia Tcherassi, а овој модел го носи името Caronia и се продава по цена од 1.320 евра. За да го надополни изгледот, Оливија одбрала црни сандали со високи потпетици со потпис на Кристијан Лобутин и со рачно изработена чанта. Многу едноставните модни додатоци одлично го надополниле стајлингот, но не го засениле прекрасниот фустан, како главна ѕвезда на оваа комбинација.
Ваквиот модел на фустан е одличен за доцно лето, но и непогрешлив избор за првите есенски денови. Ако го комбинирате со чизми и додадете сако или трендовска јакна, за миг ќе креирате одличен стајлинг за постудените денови.