Разговор за љубовта со Алек Наумовски: „Не верувам во сродни души, туку во заедничка љубов“

Алек Наумовски е еден од најпознатите машки топ модели кои постигнале значаен успех надвор од границите на нашата земја. Тој е еден од основачите на модната агенција Моделс Ин од каде што секојдневно излегуваат врвни модели, манекени и манекенки. Иако неговите модни совети се бесценети, овој пат го побаравме неговото мислење за љубовта и каква улога има таа во неговиот живот…

ЉУБОВТА Е СЛОБОДА

ЉУБОВТА Е… слобода. Треба да има многу љубов во секого од нас за да можеме несебично да ја дадеме. Љубовта се гледа во малите постапки, а не во големите зборови.

СРОДНИ ДУШИ СЕ… не верувам во сродни души, туку во заедничка љубов, која бара постојано вложување, разбирање и компромис.

ИДЕАЛНАТА ВРСКА… се заснова на три принципи: доверба, искреност и страст. Само така би била предодредена да биде основа за некаков идеал.

ЉУБОВТА ИСЧЕЗНУВА АКО… немаме комуникација со партнерот, кога не си посветуваме доволно внимание или кога ќе повредиме (намерно или ненамерно).

ЗА ЉУБОВТА НАУЧИВ ДЕКА… никој не смее да ви ги одземе слободата и индивидуалноста. Ако се почне со какви било забрани, тука обично се случува почетокот на крајот. Покрај тоа, треба прво да научиме да се сакаме себеси и да се прифатиме со сите наши добри и лоши страни за да бидеме искрени со себе. Дури тогаш ќе бидеме подготвени да инвестираме во другите.

СКРШЕНО СРЦЕ СЕ ЛЕКУВА СО… помош на времето. Секако, тука помагаат и пријателите, но зацелувањето на скршеното срце е долг и комплексен процес,за кој треба време.

ЉУБОВТА ПРАВИ ДА БИДЕМЕ… бесмртни. Секогаш кога ќе предизвикаме некакви емоции кај некого, ние оставаме трага во неговото сеќавање. Кај секого од нас постои одреден миг за кој повторно би се родиле за одново да го преживееме.

Разговарала: Марија Лукаревска

ФОТО: ПРИВАТНА АРХИВА

Разговор за љубовта со оперскиот пејач Благој Нацоски: „Љубовта ми дава живот!“