Доколку не сте го правеле досега, сега е вистинското време да го направите овој солен ролат чиј вкус ќе ве воодушеви.
Ролат со праз и спанаќ: Не само што е вкусен, туку е и многу здрав
Празот во комбинација со спанаќ… ќе добиете не само гозба за непцето, туку и исклучително здраво зимско јадење. Спанаќот е богат со каротеноиди, витамини Ц и К1, калциум, железо и фолна киселина. Сето ова го прави идеален сојузник за зајакнување на имунитетот и коските, како и за подобрување на крвната слика.
Состојки:
500 гр спанаќ (може и замрзнат)
1 голем праз, ситно сецкан
2 супени лажици маслиново масло
сол и бибер по вкус
1 пакување лиснато тесто (околу 400 гр.)
200 гр фета сирење, издробено
3 јајца
1/2 чаша кисела павлака
1/2 чаша рендано сирење
1/4 лажичка морско оревче
Подготовка:
Загрејте го маслото на средна температура и испржете го ситно сечканиот праз. Потоа додадете го спанаќот и динстајте неколку минути. Зачинете со сол и бибер. Извадете од шпоретот и оставете да се излади.
Јајцата се матат и се додаваат павлаката, издробеното фета сирење, ренданото сирење и морското оревче. Добро измешајте. Лиснатото тесто развлечете го на набрашнета површина, формирајќи правоаголник.
На развлеченото лиснато тесто намачкајте ги спанаќот и празот, па прелијте со смесата од јајца, сирење и павлака. Лиснатото тесто со филот внимателно виткајте го во ролат.
Ролатот се става во тава обложен со хартија за печење и се става во загреана рерна на 180 Целзиусови степени.
Ролатот се пече додека не порумени, околу 25-30 минути. Извадете го ролатот од рерна, оставете малку да се излади пред да го исечете, па послужете.
Коментарите се заклучени.