Неодолива комбинација на чоколадо и кафе!
Состојки:
За мус од кафе
- 70 г чоколадо за готвење
- 4 лажици врело јако кафе
- 3 јајца
- 85 г шеќер
- 150 мл слатка павлака
- За желе од кафе:
- 6 ливчиња желатин
- сварено јако кафе (без талог)
Приготвување:
Мус од кафе: Чоколадото за готвење скршете го на ситни парчиња и ставете го во врело и јако кафе. Гответе го на пареа додека се стопи, а потоа оставете го да се олади.
Жолчките и шеќерот сипете ги во чинија и изматете ги со миксер. Слатката павлака цврсто изматете ја во шлаг. Потоа, во кремот додајте ја оладената мешавина на чоколадо и кафе, и на крајот додајте го и шлагот.
Цврсто изматете ги белките и измешајте ги со кремот од чоколадо и кафе.
Смесата ставете ја во фрижидер да се лади околу 3 часа.
Желе од кафе: Желатинот пригответе го со јакото кафе, претходно исцедено да нема талог. Засладете по желба. Одвојте 1/3 од количината и сипете ја на чинија, па кога ќе се зацврсти, исечете ја на коцки.
Во приготвената чаша прво сипете малку желе од кафе, па слој мус од кафе, желе и завршете со мус. Одозгора декорирајте со коцки желе од кафе.