Вкусот на јаболко, ѓумбир и ванила ќе ве воодушеви!
Состојки:
- 2 кисели јаболка
- 4 жолчки
- 500 милилитри млеко
- 1 лажичка ѓумбир
- 80 грама суво грозје
- 160 грама шеќер
- 1 лимон
- 1 лажица путер
- 1 мускатно оревче
- 1 лажица екстракт од ванила
Приготвување:
Поврзани објави
Излупете ги јаболката, преполовете ги и исчистете ги од семки, па исечете ги на парчиња. Во садот со исечените јаболка додајте суво грозје и прелејте го сето тоа со сок од лимон. Додајте и ѓумбир.
Во тавче со растопен путер кратко пропржете ги јаболката, сувото грозје и додајте две лажици шеќер. Смесата од тавчето префрлете ја во поголем длабок сад. Додајте рендано мускатно оревче. Сварете го млекото и преостанатиот шеќер. Кога шеќерот ќе се стопи, тргнете го од шпорет.
Матејќи со миксер, во садот со млекото додајте жолчки и екстракт од ванила. Со оваа смеса прелејте ги јаболката и сувото грозје, па печете 40 минути на 200 степени.
Пудингот Валдорф е готов! Уживајте!