Вашиот месец на раѓање ОТКРИВА каков партнер ви одговара!

ЈАНУАРИ

Во одреден момент во вашиот живот ќе се појави маж, а ќе го препознаете по силните амбиции и љубовта кон работата. Токму затоа што и вие самите сте такви. Знаете кои се вашите соништа и сигурно сте на пат за да ги остварите.

Затоа ви треба некој кој може да трча покрај вас и да ве поддржи. Само таков маж нема да биде исплашен од вашата силна природа и желба за успех.

ФЕВРУАРИ

Со оглед на тоа што сте непредвидливи и полни со живот, потребен ви е трпелив, но истовремено и љубопитен маж. Некој кој ќе ве сака дури и кога сте расположени да тргнете на патување во непознатото и кога сте тивки, замислени и ранливи.

МАРТ

Ви треба некој кој ќе се однесува со вас онака како што заслужувате. Бидејќи сте личност која сочувствува со другите, вие сте искрени и паметни – и вашиот совршен маж мора да биде таков.

Бидете трпеливи, ќе запознаете некој кој ќе ве стави на прво место, кој ќе ги обожава сите ваши квалитети и нема да помисли да ве искористи.

АПРИЛ

Почекајте да се појави некој кој ќе се заљуби во вашата уникатност. Многумина побегнале од неа, а многумина се исплашиле од фактот дека не сакате да ги криете емоциите. Но оној кој е вистинскиот за вас ќе биде и доволно самоуверен за да остане покрај вас.

МАЈ

Потребен ви е некој кој може да го следи вашето темпо. Како личност со исклучителен фокус, динамика и страст, не ви треба некој што упорно доцни зад вас.

Сосема е во ред секој од вас да води свој живот, но во исто време да бидете тука еден за друг и да се охрабрувате да бидете подобри и поуспешни.

ЈУНИ

Ви треба некој кој нема да има проблем да се отвори емотивно и кој нема да се плаши од својата ранливост. Секако, тоа не значи постојано да се биде нечие рамо за плачење или да се поправи сето она што другите го расипале во нивниот живот. Потребен ви е некој кој ќе ве сака исто како и вие него.

ЈУЛИ

Потребен ви е маж кој ќе ве обожава затоа што сте тоа што сте. Вашата природа е таква што ги привлекувате сите околу себе, затоа заслужувате некој кој е доволно сигурен во себе и тоа нема да му пречи. Не ви треба некој да ви каже „малку да се смирите“ за да се чувствува подобро за себе.

АВГУСТ

Вам ви е потребен некој кој не се плаши да биде искрен, кој ќе ви го каже дури и она што не сакате да го слушнете. Вашата личност е пример за многумина и имате карактеристики на вистински лидер.

Затоа ви треба доволно силен маж кој нема да ви дозволи да правите што сакате, особено да го прегазите. Што не значи дека нема да се гордее со вас. Едноставно, ќе одржува рамнотежа.

СЕПТЕМВРИ

Никогаш не сакате да престанете да учите нови работи и да стекнувате нови искуства. Затоа ви треба партнер кој нема да ве кочи. Но и некој на кој нема да му биде тешко да вложи малку повеќе напор за да влезе подлабоко во вашето срце.

ОКТОМВРИ

Имате толку многу љубов и добрина во себе, што луѓето често пати ги земаат здраво за готово. Затоа вашиот маж треба да има исти или слични карактеристики за да внесе уште повеќе радост и љубов во вашиот живот, а не болка и страдање.

НОЕМВРИ

Исклучително сте вредни и креативни, но понекогаш можете да бидете повлечени и тивки. Затоа ви треба маж кој ќе ги сака сите ваши страни и кој секогаш ќе се труди да се чувствувате пријатно. Почекајте го оној кој ќе ве сака такви какви што сте.

ДЕКЕМВРИ

Ви треба некој кој секогаш ќе биде подготвен за забава. Вие сте весела личност полна со енергија и ви треба некој кој ќе ве поттикне да се развивате како такви, а не некој што ќе ве сопира.

Мажот кој е за вас ќе ја сака вашата духовитост и наивна природа, но ќе биде и доволно сериозен кога е потребно. Пред сè, ви треба некој кој може да ве насмее во клучните моменти.