„Белиот ангел“ е најбараната торта меѓу домаќинките: Не се пече, се приготвува за миг, а се топи в уста!

„Белиот ангел“ е торта што маѓепсува со вкусот, а воопшто нема да се измачите за да ја приготвите. Корите не се печат, а филовите се приготвуваат за миг. Се топи в уста, бидејќи е исклучително кремлива, и бидете сигурни дека нема да можете да изедете само едно парче!

Состојки:

• 1 пакување кори за розен-торта
• 1 л млеко
• 4 кесички пудинзи од ванила
• 200 г бело чоколадо
• 12 лажици шеќер
• 100 г млеко во прав
• 370 г путер
• 500 г слатка павлака
• 4 чаши кисела павлака

Приготвување:

Во млекото додајте пудинг и шеќер, па загревајте го со непрекинато мешање, додека се згусне. Потоа, додајте 100 г бело чоколадо и загревајте со мешање, додека се стопи. Покријте ја смесата и оставете ја да се олади. Додајте путер и млеко во прав, па добро изматете. Ситно исечкајте го преостанатото чоколадо и додајте го во филот, па промешајте.

Изматете ја слатката павлака со киселата и филувајте ја тортата. Редете кора, па фил од пудинг, па фил од шлаг, па кора и така додека го потрошите материјалот. Завршете со кора, која ќе ја премачкате со тенок слој шлаг.

Торта Египќанка: Жолтиот фил и грилијашот ѝ даваат шмек каков што нема ниту еден друг десерт!