Во себе носите доза на мистичност, како своевидна особеност што умеете да ја негувате. Умеете да изгледате конфузно, збунето и расеано, но тоа не мора да биде и реално.
Кога станува збор за духовниот мир, настојувате стресот да го отстраните комплетно од секојдневниот живот, но и од емотивната врска, од која очекувате вистинска бајка. Состојбата на емотивен план ви се одразува и на сите други животни полиња.
Кога сте сосема сигурни во својата емотивна врска, и кога на тоа поле е сè во ред, и во другите сфери го давате максимумот. Константно настојувате односите да ги одржувате со добра комуникација, со секојдневно внимание и со целосна посветеност на партнерот. Сепак, во долгите врски и во бракот умеете да покажете љубомора, која може и да оптоварува.
Кога станува збор за работата, вие сте вистински креативец и вешт соговорник. Најголем успех имате во уметноста, но и во хуманите професии, како што се медицина и ветерина.
Поврзани објави
ОВОЈ МЕСЕЦ…
Ви се отвораат нови деловни хоризонти – новите проекти дополнително ќе ве инспирираат. Недоразбирањата со партнерот нема да остават трајни последици врз врската. Слободните ќе ги стресе фатална љубов. Можни се главоболки.
Текст: Убавина и здравје
Фото: Pixabay