Без разлика дали станува збор за личност што ви се допаѓа или работа што навистина ја сакате, одговорот не може да биде секогаш „да“. Одбивањето е, пред сè, составен дел од животот и им се случува на сите.
Малку се луѓето кои апсолутно не ги допира одбивањето. Ако се грижите за нешто или некој, одбивањето секогаш ќе боли до одреден степен. Но, тоа не значи дека треба да бидете казнети или да се чувствувате разочарани до тој степен што не можете да функционирате нормално. Ви донесуваме 7 совети од успешни жени за полесно да го прифатите одбивањето.
Одбивањето значи храброст
Пред да започнете со самосожалување или лутина, треба да знаете дека многу луѓе никогаш не се обидуваат. Да се обидуваш значи да се биде храбар. Исходот не може секогаш да биде позитивен. Ако искусите одбивање, не дозволувајте тоа да ве спречи да правите понатамошни обиди. Продолжете да бидете храбри.
Одбивањето им се случува дури и на најдобрите
Нема лице кое не е одбиено барем еднаш. Без разлика дали станува збор за работа од соништата или потенцијален партнер кој одеднаш се оладил, сите го почувствувале горчливиот вкус на тоа неочекувано „не“. Одбивањето не значи дека сте лоши или дека нешто не е во ред со вас. Одбивањето се случува скоро на секого.
Некои фактори на одбивање е невозможно да се контролираат
Понекогаш нема да ви биде јасно зошто се случило одбивањето. Со месеци се подготвувавте за нешто, сè помина во најдобар ред и на крајот од целата приказна сепак доживеавте „пораз“. Како прво, бидете свесни дека понекогаш одбивањето не зависи од вас, туку од низа други фактори врз кои едноставно не можете да влијаете. Исто така, одбивањето понекогаш значи дека подобра можност ве чека зад аголот. Затоа, главата горе!
Поврзани објави
Бидете благодарни за можноста
Не секој има можност да аплицира за работа од соништата или да учествува во аудиција за проект преку кој може да се доближи до прекрасни луѓе. Не заборавајте да бидете благодарни за можноста, бидејќи понекогаш можноста може да ви отвори врата за која не сте знаеле дека постои.
Учете од грешките и искуствата
Ако сте свесни дека вашата грешка доведе до одбивање, научете и не се срамете од тоа. Ако го дадовте најдоброто од себе и искусивте одбивање, научете од искуството и извлечете го најдоброто од можноста.
Фокусирајте се на она што можете да го понудите
Одбивањето може да ја разниша самодовербата и да создаде куп негативни емоции со кои е тешко да се борите. Но, не фокусирај се на тоа. Наместо да размислувате за отфрлање и набројување на сопствените недостатоци, запишете ги доблестите и квалитетите што можете да ги понудите на друго лице или да ги донесете на ново работно место. Запомнете, решивте да пробате поради овие работи.
Стравот од одбивање ве одржува на место
Стравот од одбивање е причина за застанување и запирање на личниот развој и раст. Не дозволувајте стравот од иднината и резултатите да ве оддалечуваат од луѓе, нови работни места и искуства. Бидете свесни за вашите емоции, прифатете ги вашите стравови и запомнете дека стравот од одбивање не е најлошото можно чувство на светот. На крајот на краиштата, подобро е да се доживее одбивање отколку никогаш да не се обидете.
Прочитајте и: Како да се справите со конфликт ако сте преосетливи