Тејлор Свифт искрено за скандалот со Канје и Ким: Реакцијата на јавноста изгледаше како „смрт на кариерата“

Поп-ѕвездата Тејлор Свифт после долго време се отвори за последиците од телефонскиот повик во 2016-та година околу песната „Famous“, за насловната приказна на TIME како личност на годината за 2023-та година.

Тејлор открива како расправијата меѓу неа и Канје Вест и Ким Кардашијан ментално влијаела на нејзиното здравје, таа објасни дека моментот и реакцијата на јавноста се чинел како „смрт на кариерата“ и психолошки ја однел на место каде никогаш не била порано.

Не грешевте – кариерата ми беше одземена. Тоа ме одведе психолошки на место каде што никогаш порано не сум била. Се преселив во странска земја. Ја оставив куќата за изнајмување една година. Се плашев да добивам телефонски повици. Ги оттурнав повеќето луѓе од мојот живот бидејќи повеќе не верував никому. Паднав навистина, навистина тешко. – истакна пејачката

На крај, Тејлор за TIME изјави дека научила да се фокусира на својата работа и да истрае како уметник.

Многу сум внимателна, сакам да бидам благодарна во секоја секунда што го работам ова на ова ниво, бидејќи тоа ми го одземаа претходно. Има едно нешто што научив: Мојот одговор на сè што се случува, добро или лошо, е да продолжам да создавам работи. Да продолжам да креирам уметност. – изјави Свифт.