Сè е подготвено за второто издание на „Story Awards“!

„Story awards party“ е едно од најзначајните случувања во светот на шоубизнисот, кое секој пат успева да ја оправда својата репутација на огномет од емоции, естетика и незаборавна забава.

Гламурозниот настан ќе се случи вечерва во хотелот „Александар палас“. Во ноќта на убавината, славата, гламурот, солзите и громогласни аплаузи, овој пат наградите ќе ги добијат актерски, музички, телевизиски, спортски и бизнис-личности по избор на регионалното уредништвото на магазинот „Story“.

Патем, со настанот „Story Awards“ ќе биде најавено и второто специјално издание на магазинот „Story“, кое повторно на македонски јазик ќе се појави во Македонија.

Инаку „Story“ e најтиражен магазин за познатите личности препознатлив по актуелните и ексклузивната содржина како и интересните приказни од животот на славните личности.

Освен по свежите и живи рубрики овој магазин се разликува од конкуренцијата и по пристапот кон познатите личности кои во токму во „Story“ го демистификуваат она што тие го претставуваат во јавноста, оголувајќи се пред читателите и делејќи ги со нив своите најинтимни животни моменти…