Лепа Брена: „Цели 40 години живеев во лудница, ми годат мирот и изолацијата“
Можност да се запознаеме едни со други во кризните мигови
Во време кога сите дипломи и титули го губат значењето, кога сите станавме еднакви пред предизвикот наречен пандемија, Лепа Брена деновите во изолација ги поминува во својот дом со сопругот Боба Живојиновиќ и со синовите Стефан и Виктор.
Поврзани објави
Фолк-пејачката открива дека не и’ е тешко во изолацијата.
Мојата генерација е воспитувана според изреката: ред, работа и дисциплина. Затоа не ми е тешка изолацијата. Свесна сум за глобалниот проблем. Ова е можност да се запознаеме едни со други во кризните мигови, но и да увидиме како сме ги воспитале децата. Во животот има големи искушенија и оној што добро ги поднесува знае дека се’ има почеток, моменти на криза, заплет и катарса“, изјави Брена за „Курир старс“.
Последниве 20 години не си бев посветена на себе. Ми недостигаше домот, а како рационална личност, во се’ барам духовен мир, но и секој член на моето семејство да се чувствува добро, стабилно и сигурно. Ми недостасуваат пријателите и публиката, за да ги прегрнам сите и да им кажам колку многу ми значат. Но мора да бидеме трпеливи. Ова е своевидно прочистување на самите нас, на планетата во еколошка смисла, но и време на големи промени меѓу светските сили“, истакна Брена.
Популарната пејачка додава и дека стравува за здравјето на блиските пријатели, бидејќи неколку од нив заболеле од коронавирусот.
Неколку пријатели ни се разболеа, па мене и на Боба не ни е сеедно. Виктор и Стефан се со нас, а Филип е со своето семејство. Сепак, кога сме упатени едни на други, ситуацијата е деликатна. За среќа, живееме на голем простор, секој има свое катче, кога сака готви или спортува.“
Лепа Брена откри и на кој начин ги решава брачните недоразбирања.
Не сме навикнати олку време да поминуваме заедно, но мудро поминуваме преку она што ни пречи. Свесни сме дека сега не е време за расправии.“
Времето во изолација го поминува работејќи во куќата и во дворот.
На мудрата жена не може да и’ биде здодевно. Покрај родителоте, јас, сестра ми и брат ми научивме да правиме се’: да варосуваме, да бојадисуваме, а покрај мајка ми, која беше кројачка, и да шиеме. Сега ја уредувам градината според советите на мајка ми.“
Исто така, истакнува дека и’ годи одморот од купување шминка и гардероба.
Одмор ми е и тоа што не купувам ништо бидејќи со децении бев во паника да купам шминка и гардероба заради работата. Во тој хаос јадев што ќе стигнам само за да не бидам гладна. Цели 40 години живеев во лудница и ми годи мирот. Организмот почна да ми наплаќа се’ што правев погрешно, па јадам само кога сум гладна и избегнувам месо.“
Фото: Instagram, ATA Images