Хуманитарни летови за Македонците затекнати во странство
Карантнот ќе мора да го испочитуваат!
Премиерот Оливер Спасовски вечерва напиша на својот официјален фејбук-профил дека ќе се изготви посебен план за хуманитарни летови за граѓаните кои се затекнати во други држави, но по враќањето во земјава тие ќе треба да поминат соодветен број денови во карантин. Одлуката е донесена на денешната владина седница.
На оваа седница ја разгледавме и информацијата на Министерството за надворешни работи за бројот на наши државјани кои оваа ситуација ги затекна во други држави. За да им се обезбеди можност да се вратат во земјата, ќе се подготви посебен план за хуманитарни летови, а нивна законска обврска ќе биде кога ќе се вратат да прифатат дека ќе мора да поминат соодветен број денови во карантински услови за нивна и за безбедност на сите останати граѓани“, вели Спасовски.
Исто така, задолжени се и Министерството за одбрана, Армијата и Министерството за внатрешни работи да подготват анализа и план за евентуално воведување многу порестриктивни мерки за движењето на граѓаните.
Поврзани објави
Врз основа на нивните анализи, Владата ќе донесе соодветни одлуки“, напиша Спасовски.
Информира дека е донесена и одлука да се продолжи важноста на патните исправи и личните карти, чиј рок на важење е истечен, како и одлука за замрзнување на цената на лимоните, портокалите, мандарините, грејпфрутот и клементините.