Кејт Мидлтон во бојата што ретко која жена ја сака: Дали цикламата е добар избор?
Што мислите вие?
Пред два дена Кејт Мидлтон го воодушеви целиот свет со својот изглед кога се појави на премиерата на новиот филм за Џејмс Бонд, а веќе утредента им се врати на своите редовни обврски и препознатлив стил на облекување
Кејт Мидлтон е позната по класичниот стил на облекување, но одвреме-навреме знае да нè изненади со необичен фустан или боја што секогаш ѝ стојат беспрекорно.
Па така, вчера се појавила со својот сопруг принц Вилијам во Северна Ирска, каде што посетиле една зоолошка градина, а за таа пригода, прекрасната Кејт обула циклама костим со црна ролка и црни стилето чевли. Во рака носела црна плик-чанта, додека косата ја собрала во едноставно опавче.
За време на оваа посета, кралската двојка открила дека и тие самите имаат посвоено многу животни, особено од почетокот на карантинот.
Како ви се допаѓа ова издание на убавата идна кралица?