Повеќе не ни треба партнер за добар секс: Каков секс сакате вечерва?

Основачот и извршен директор на BrainWaves XR и Meta Spa VR, Каис Латири, нѐ стаписа со подигнувањето на сексот на следното ниво.

Повеќе не ни треба партнер за добар секс, вели тој.

Бидејќи како што знаеме, сѐ е во мозокот. Секое чувство, фантазија, возбуда, кулминација. А мозокот сега е лесно дофат – со виртуелна стимулација, се разбира. Дали сакате да го пробате? Ах, кој не би сакал…

Прво се прочу дека Meta Spa VR, во Алберта, Канада, спојува секс-кукли со VR (виртуелна реалност) за да постигне футуристички секс. Звучи откачено, во најмала рака. Но нашите минати (не многу одлични) искуства со виртуелната реалност нè наведоа да потцениме што навистина се случува со овие Канаѓани.

Виртуелната реалност може да биде шокантно моќна и реална. Футуристичката верзија на секс што ја нуди Meta Spa VR сепак изгледа како да е наменетa за одреден сегмент клиенти, особено затоа што истражувањата покажуваат дека луѓето не брзаат да искусат секс со кукли Барби во природна големина.

Експертите за вештачка интелигенција како Каис соработувале со невролозите за да развијат програми кои го „залажуваат“ мозокот да доживее силни емоции и сензации. Многумина од нас ќе имаат можност да искусат работи што никогаш не би ги искусиле – како искачување на Килиманџаро или неверојатен, екстатичен однос (иако без човечки партнер).

Но бидејќи сите ние имаме различни идеи за тоа како изгледа неверојатно добар секс, Meta Spa VR исто така нуди „шведска маса“ од емотивни и сензуални искуства, кои сигурно ќе ја доловат сечија имагинација. Исто како што избирате помеѓу романса, трилер или стенд-ап додека гледате Нетфликс, во Meta Spa VR во суштина избирате што сакате да чувствувате за време на вашето сексуално искуство.

Дали сакате дивеење, страст, сексуално зајакнување, на пример? Напредната генерација на секс-технологијата ви овозможува да го изберете емоционалното искуство што ќе го имате, измамувајќи го вашиот ум да помисли дека навистина сте имале секс каков што сте замислиле. Оваа технологија се заснова на фантомско сетило во VR, а се постигнува со манипулирање со светлината што се проектира од два екрани и слушалки за VR.

Повеќето од нас имаат свои мислења и емоционални реакции на темата напредна технологија – како здрава или нездрава, природна или неприродна, добра или лоша за човештвото. Но вистината е веројатно многу посложена и само времето ќе покаже покажете каде н водат технологиите. На крајот на краиштата, луѓето имаа сличен опсег на реакции на појавата на паметните телефони, а сега тие едноставно се дел од нашето секојдневие.

На крајот на краиштата, веројатно е дека некои луѓе ќе почувствуваат дека ова напредно ниво на сексуална технологија ги подобрува нивните животи и сексуални искуства, додека други ќе чувствуваат дека го намалува квалитетот на вистинските интимни односи. Слободно може да се претпостави дека на повеќето од нас ќе им биде најкорисна напредната секс-технологија.

Предизвикот со сите сексуални технологии е што тие нудат верзии на сексуална стимулација поинтензивни отколку што можат да обезбедат повеќето човечки партнери. Но овој феномен не е нов. Вибраторите можат да манипулираат со оргазмот побрзо од човечката рака или јазик. Порнографијата ја интензивира и преувеличува визуелната стимулација. Сепак виртуелната реалност го обезвреднува покомплексното сетилно искуство.

Што друго ветува стимулацијата на VR

Со оглед на тоа што истражувачите како Каис дополнително развиваат фантомски допир, се чини дека можеби повеќе нема да ни требаат човечки партнери за да го доживееме чувството на контакт кожа со кожа.

Овој извонреден развој не е ограничен само на сексуалните сензации. Исто како што порнографијата доведе до технички напредок на World Wide Web, така и сексуалната технологија ќе доведе до напредок во многу различни специјалности, како што се менталното здравје и грижата за постарите.

Како што „специјалистите“ на Каис можат да произведат специфични емоционални искуства кај своите корисници со приспособување на осветлувањето и звукот во нивните VR-очила, така и идните медицински третмани ќе ја користат истата технологија за манипулирање со емоционалните искуства на луѓето – да го земеме како пример третманот на депресијата.

Слично на тоа, како што Каис може да создаде чувство на сексуален допир кој всушност не се случува, идните осамени старечки домови ќе имаат можност да почувствуваат смирувачко, но фантомско галење од туѓа рака. Можните употреби на овие технологии се веројатно неразбирливи и сѐ уште се во пелени. И исто како и со повеќето, ако не и со сите нови технологии, можеме да очекуваме и позитивни и негативни ефекти.

Позитивните влијанија веројатно ќе бидат многубројни – обезбедување креативни сексуални искуства за поединци, парови и самци. Потоа, повеќето луѓе велат дека романтичните врски стануваат помалку возбудливи со годините, па можеби сексуалните технологии ќе станат врвен еликсир за овие предизвици, а можеби и нивна крајна замена – времето ќе покаже.

Исто така, паровите кои се борат со барањата на моногамијата ќе можат да ги изберат своите „нечовечки сексуални партнери“ како алтернатива. Дали само ќе предизвикаат љубомора кај партнерот или некои сосема нови чувства, останува да видиме…

Текст: Лидија Ќулибрк